السلام عليكم ورحمة الله وبركاته
انا عندي مشكله الى الآن لم أجد لها حل وأتمنى من الجميع ان يطرح رأيه لاني بصراحه الى الان لم أتأكد انا فصح والا فخطأ
أنا أحب وحده 5 سنين وهي كمان تحبني تقدمت لخطوبتها 4 مرات آخر مره كانت أخر يوم جمعه في رمضان وتمت الموافقه وبعدها بيوم ابوها رفضني مع انو لايعرفني ولاأعرفه لكن بأعرف اخوها المهم في الموضوع انو لمن رفضني حاولت اعرف الأسباب فكانت من ضمن الأسباب انو يبغى واحد عنده مال قارون ، ويوم العيد فيه واحد واحد خطب البنت وكلهم وافقوا ماعدا البنت وأمها لانو امها تبغاني وبالذات لمن عرفت ان الا نجاب والحمل لبنتها مستحيل وارتاحت مني لمن عرفت انو انا شاري بنتها ومتمسك فيها وانا عارف ان الحمل مستحيل!
انا اسكن في مكة وهي في جدة وفي يوم السبت يعني اليوم الثاني اتصلت عليا البت بنفسها وقالتلي بالحرف الواحد انا احبك وماراح اتزوج غيرك مع بداية الدراسة نروح انا وانت للقاضي0
بصراحه ابوها تعبها وجنني ومنا عارف وش اسوي معاه مع انو انا الحمدلله حالي مستور وبشتغل فشركة زين للاتصالات وبدرس في الجامعة قسم فيزباء وباقيلي سنه ونصف واتخرج من الجامعة!
قبل شهرين اتصلت على ابوها وسلمت عليه وطلبت منه ان اقابله لكن رفض وقال البنت مخطوبه لولد خالها مع انو انا ماتكلمت في دا الموضوع
ارجوكم افيدوني وش اسوي مع ابوها