على طآري صبآح الورد..~ ,,,, - زوجــي و زوجتــي عالم الحياة الزوجية

التسجيل مجاناً
إتصل بنا

التسجيل مجاناً

زوجــي و زوجتــي عالم الحياة الزوجية المنتديات العامة دليل همس القوافـي على طآري صبآح الورد..~ ,,,,

عرض المزيد

على طآري صبآح الورد..~ ,,,,

شموخ أنثى ..:: عضو مميز ::..

على طآري صبآح الورد..~

على طاري صباح الورد , وإسمك, والحـلا والـذوق
ذكرتك يـا أجمـل أحلامـي , بقافـي واستهليتـه

على درب القصيد أسوق , قلبي والخطـاوي شـوق
وإذا مالت بـي الخطـوة , علـى دربـك تناسيتـه

يهز الشـوق بأعماقـي , عناقيـد الغـرام عـذوق
ويقطف بالغلا فيني , غـرامـ(ن) خنـت وأخفيتـه

أحبك كثر ما يشعل , غرامك فـي حشـاي حـروق
وشبٌه زود لو يحرق , ضلوعي مـت مـا اطفيتـه

أحبك دمعتـ(ن) طاحت , على خد الصباح اشـروق
يموت النور لـو طاحـت , علـى كفـي وضميتـه

أحبك , إيه أحب إسمك .وأمـوت بجيـدك المنتـوق
و تخيل كثـر مـا أكـره صـدودك , قمـت حبيتـه

تموت من البطا غيمه , طعنها مـن جفـاك بـروق
وغشى روض الحشا وسمي , جفافك وإنت ما ارويته

رحلت , وما بقى منك سواك إنت , و عنـا مفهـوق
عنـا ذاك الربيـع اللـي , غشانـي مـا تمنيـتـه

تعال , إجرح على كيفك , تربـع واستحـل عـروق
تدلـل والبسـاط أحمـد , وأنـا لرضـاك مديـتـه

قم إسهج لآخر ضلوعـي, تغلغـل داخلـي برفـوق
حلالك ما بقى منـي , مـع اللـي لأجلـك أفنيتـه

من اللي من غديت أجمل قصيدة ما غـدا لـه ذوق
ومن اللي كتـب باسمـك قصيـده وانكسـر بيتـه

وربي , من كتبت إسمـك وبروزتـه بقلبـي فـوق
وأنـا مـا دار فـي بالـي , قصيـد مـا تحاليتـه

دخيل دمعتين اللي, غـدت منهـا الخـدود شقـوق
ترفق سامحك ربي , علـى قلـب(ن) لـك أهديتـه

إذا لك حق في قلبي , فأنا لي فـي غـلاك حقـوق
و حقوق الشوق محفوظـة , وحـدي مـا تعديتـه

يذكرني صباح الورد , وإسمـك , والحـلا والـذوق
وأردد يا ( أجمـل أحلامـي ) بقافـي يـوم هليتـه

مع حبى

شموخ أنثى

توقيع

أنا شموخ أنثى

لـي مبـدأ و لـي نظـرة و تحكمنـي قناعاتـي
أحاسيسـي حقيقـه ثابتـه بالوصـل والهـجـران
انـا طبعـي اذا حــبيـت .. احــب بكـل حـالاتـي
و لا أجامل في أحاسيسي و لا أقبل في الهوى أحسان
و لا للمصلـحـة يــا سـيـدي دور بــعـــلاقـاتـي

احب الصدق واعمل به كسبت او كنت انا الخسـران
ولـو صدقـي يخسرنـي ..تشرفـنـي خـــسـاراتـي