بسم الله ...
هذي قصه من التراث الحجازي .. قدييييمه مره واعتقد اغلب اهل الحجاز يعرفو هذي القصص .. <<< ترى القصه مكتوبه باللهجه الحجازيه ....

كان ياما كان ...

ياسعد يااكرام.. ما اطيب الحديث الا بذكر النبي عليه افضل الصلاه والسلا م ...

كان في واحد قاضي ... كل ماجاله صبي يشتغل عنده .يشرط عليه وان زعلتني تقطع خشمي وان زعلتك اقطع خشمك ..وماحد قبل الشرط الا واحد صبي اشتغل عنده اشتغل عنده لمده الى ان ارد الله بما ارد والصبي زعل القاضي فقطع له خشمه وخرج الصبي من عنده ودمه يسيل وراح بيت اخوه اللي اسمه سعيد . ولما شاف دمه سااايل وعرف منه شرط القاضي اللي قبله اخوه الطيب صمم ينتقم له وتركه في البيت وحلفما يرجع له الا بخشم القاضي في يده ...

واخذ سعيد بعضه وراح للقاضي وعرض عليه انه يشتغل عنده فسأله القاضي انت ايش اسمك؟؟ رد سعيد: انا اسمي نكد قال القاضي انا فعلا محتاج صبي يشتغل عندي لكن انا شرطي الاول والاخير لو زعلت منك يا نكد اقطع لك خشمك ..ولو زعلت انا منك تقطع لي خشمي ؟؟ ووافق سعيد على الشرط وهو ناوي يغلغل القاضي وينكد عليه عيشته .. ياخذ يتار اخوه المسكين ..

واعتمد القاضي على نكد في تنظيف الجنينه والعنايه بالزرع لكن كان مهمل وماهو مهتم بالاشجار واللي بدت تضعف والورود اللي دبلت والحشيش اللي صفر وانزعج القاضي من منظر الجنينه وزهم على الصبي نكد وقال له . ايش هذا يا نكد ؟؟ الجنينه كلهااا زرع ميت وانت ما تخلي بالك وتنتبه؟؟ قال نكد ياعمي الجو حااار والمويه قليل وانا ما بيدي حيله قال القاضي الجووو طول عمره حااار والمويه مقاسهااا واحد مافي جديد الا انت رد نكد صوتك عالي ياعمي واظنك زعلان ؟؟؟ قال القاضي بسرعه : انااا ؟؟ ابداا ماني زعلان ..



وكان في الجنينه كلب كبير يحرس البيت والقاضي يعزه كتير .. وكل يوم تعطي الجاريه صينيه الاكل الخاصه بالكلب لنكد عشان يأكله ويشوف نكد الاكل ويقول في نفسه ... يعني الكلب ياكل دجاج ولحمه وادام وانا البني ادم يعطوني ماشااااح ومااا لاح .... صار ياكل الاكل حق الكلب ويتركه جيعان ... ويوم ورا يوم ضعف الكلب وهزل والقاضي يسأله عن السبب ونكد عامل نفسه ماااهو عارف العله اللي صار والكلب يزحف على بطنه وبعد شويه ماااات .... وصار القاضي حزين على كلبه الوفي ومتحسر على موته وقال لنكد يا ترى ايش اللي جرى على الكلب والله كانمن احسن مايكون لحد ماجيتنا انت وصار اللي صار رد نكد .... يمكن ما كان يتغدى طيب ..... قال القاضي ... مابيتغدى ؟؟؟؟ ده اكله كله دجاج ولحمه .... قال نكد بأستغراب : هو اللحم والدحاج للكلب ؟؟؟؟ وانا افتكرته اكلي وانا اكتله ......؟؟؟ صرخ القاضي وهو في اشد الغضب ... اكلت اكل الكلب يا نكد؟؟؟؟ والمسكين كان بياكل ايش ؟؟؟ قال ولا شي ... قال القاضي يعني مات من الجووووع ؟؟؟ قال نكد اظن كده .... بس المهم لاتكون زعلان يا سيدنا القاضي ... رد وهوووو في اشد القهر ... اناا ؟؟ لااااا ازعل علشان كلب ....؟؟؟؟؟


وتاني يووووم طلب القاضي انه ياكل لحمه مسلووووقه وراح نكد يدور لحمه في السووووق كله مالقي ... رجع للقاضي وقال له ... والله ياعمي ماني لاقي لحمه في السووووق .. قال القاضي اتصرف مو شغلي .... خرج الصبي على السوق وصااار يدور تاني لحد ماتعب واحتااار في امره واخيرا لقي في وجهه جثة الكلب الميت شاله وراح سلق لحمه وحضره للاكل ... ولما رجع القاضي على البيت لقي الاكل جاهز فأكل وشبع وبعدين سأله الصبي يااا واد انت ماقلت انه مافي لحمه في السوووق ..اليوم ؟؟؟؟ فين لقيتهاا بعدين يا كداب ؟؟؟ قال والله يا عمي مالقيت لحمه في السوووق انا لقيت كلبك الميت في الجنينه قلت نستفيد منه فطبخت لك هوه قال يخص عليييييييييك .. انت تبغى تموتني وقام على الحمام يحاول يطلع اللي اكله ... قال الصبي هاه يا عمي انت زعلت ؟؟؟ قال لااا ابدااا بس كده انتبه ولا تعمل عمايل زي كده وبلعهاااا القاضي وهو بيغلي من الصبي بس كاااان خايف يظهر غضبه ويخسر خشمه ؟؟؟

وفي يوم تاني القاضي عنده ضيوف مهمين في المجلس سمع صوت جاريته بتغني وهي بتطحن الحب ... صار محرج قدام ضيووفه الكبار وقام زهم على نكد وقاله اطلع لا انصاف وقولهااا تسكت من الغنى لانهااا ازعجت ضيوفي .. وكمان توقف المطحنه ذي شويه من فوق روسنا طلع الصبي للجاريه وقالهااا يا انصاف .. يقول سيدي القاضي ... قوي الطحييين وكمان وارفعي صوتك بالغنى علشان الظيوف منطربين منك ....؟؟
صارت الجاريه ...مبسووطه بنفسهااا وتغنى بأعلى صووووتهاااا ... ودق دق بالمطحنه بكل قوتهاااا ....
وزوهم القاضي على نكد مره تانيه .... وقاله اطلع للجاريه تاني مره ... وقولهااا تنكتم بالمره .. محنا سامعين نفسناااا ولا تدق المطحنه .. الا لما يخرجو الضيوووف ... طلع لهااا نكد وقال ... بارك الله فيك ياانصاف .. الضيوووف في غايه الانبسااااط منك... زودي كمان قد ما تقدري .... سارت الجاريه تطبل وترقص ... وتعمل شي لا خيرة فيه .....
زهم القاضي على نكد للمره الثالثه .. وقاله اطلع واضرب هذي المجنونه واكتم صوتهاااا ...؟؟طلع الصبي على فوووق .. ولقي في طريقه ساطور .. شاله ونزل به على راس الجاريه ... وجاب خبرهااا ؟؟؟؟
بعد ما انتهى القاضي .. من اجتماعه بضيوفه المهمين ... طلع على فوق ويشوف اش حكاية الجاريه ... وصار ينادي عليهااا وماترد .... ؟؟ ودور عليهاا لحد ماالقاهااا ..مرميه على الارض ودمهااا سايل ...؟؟
جري وهو غضبان على الصبي ... يسئله على اللي جرى ؟؟ قاله يا عمي انا ماكان ممكن اعمل غير كده انصاااااف ما كانت راضيه تسكت ... وخفت انك تزعل منهاااا .. ولقيت الساطور فخبطهااااا وماكان قصدي اقتلهااا .؟؟؟؟ بس لا تكون زعلت مني يا سيدي القاضي ؟؟؟ ورد القاضي وهووو بيغلي ... لا الا انااا ما زعلت ولا شي .... بس انا يعني شايل هم .. كيف نخلص من هذي المصيبه .... انا ما ابغى الناس تقول بيت القاضي فيه قتل ومقتول ... قال الصبي بسيطه .. نحنا نستنى اخر الليل ..؟؟ ولما ينامو الناس .. في الظلام نتعاون انا وانت ومراتك ... وندفنهااا في البحر ...؟؟بس متكون زعلان يا عمي .... رد القاضي لا لا مااافي حاجه تزعل من اصله ...؟؟؟؟ وفي الليل خرجوو ... وهم شايلين الجاريه .. وفرشو عند البحر لكن شافو صيادين واقفين قريب منهم ..؟؟؟ فما عرفو يرمو الجثه قدامهم ؟؟؟ وقال الصبي انت اكيد تعبان يا عمي ؟؟؟
ليش ما تنام شويه انت ومراتك .. وانا ارقاب الشط لاحد ما يفضى ؟؟؟ واصحيكم في الساعه المناسبه ؟؟
فوافق القاضي وراح ينام هوو ومراته .. وبعد ماتأكد نكد من نومهم ... راح بشوووويش وشال مرات القراضي ورماهاااا في البحر وحط جثة الجاريه جنب القاضي وناااااااااام ؟؟ وفي الصباح صحي القاضي مفزوووووع .. ولقي الجاريه جنبو ومراته ماهي موجوده ..؟؟ زهم على الصبي ... يصحيه فين مرااااااتي ؟؟؟

قاله ليش ماصحيتني في الموعد المناسب قال الصبي ببرود يا عمي .. انا ما حبيت ازعجك .. وانا شايفك نايم مرتاح والظاهر مع النووووم مانتبهت .. انا شلت مين ورميت مييين .. قال القاضي .. لا حولا ولا قوة الا بالله ... وصل بيك الحال انك ترمي مراتي في البحر ...؟؟ انت مجنوووون ... قال طيب انا اعمل ايش ... النووم من جهه والظلام من جهه ..؟؟؟ انا ماكنت شايف شي ..؟؟؟ بس ماتكون زعلت يا سيدي القاااضي ...
رد القاضي وهوو مطرشق من الغيض ... لالالا ازعل من ايش ....؟؟ انت عملت شي يزعل ؟؟؟
كلوووو قسمه ونصيب ؟؟ ورموو الجاريه في البحر .... ؟؟
بعد ايام ... قال الصبي للقاضي .. يا عمي انت ليش زعلان ومهموم .... قال القاضي .... ماني زعلان منك ؟؟
انا حزيييييييين على مراتي ... قاله الصبي ولا تزعل ولا يكون خاطرك الا زي العسل ...
ايش رايك انا ازوجك وحده .. تعوضك عنهااا خير وتسر قلبك وخاااااطرك ... قال القاضي يالله على الله ثم عليك ؟؟ راح نكد بيت ناااااس ... وتقدم وطلب يد بنتهم للقاضي وفرحو الناس بالعريس اللي يشرفهم نسبه ... ومهنته المحترمه ... ووافقو على طوووول وشرط الصبي انه الملكه والدخله في ليله وحده ؟؟
وفي اليوم المحدد .... اتفق مع اهل العروسه ... انه القاضي لا زال حزين على مراته الاولى ...
وما يبغى تكاليف افراح ولا اكل كتير .... امااا اكله هوو الخاص .. فما احد يحضره غير هو نفسه القاضي .. لانه مااااشي على نظام حميه وما ياكل شي غير بليله ... وطلبهم حمص وكيلوووو ملح ؟؟

وسلق الحمص ..وحضر البليله وكبسهاااا ملح ؟؟؟ ولما حضر القاضي ... لبيت العروسه ... وخلص من اجراءات الزواج .... وانتظر العشاء وهو ميت من الجووووع ودخل اكل القاضي في صينيه خاااصه .. وجلس ياكل من البليله لقمه ويشرب عليهاااا كاسه .....
وعلى كذا لين يشبع ..... وهمس بشويش لصبيه اشبهم هذولا الناااس هذا اكل يليق بقاضي لليلة دخلته ..

قاله نكد لا والله حرام الجماعه كانو راح يقومو بالواجب ... لكن انا طلبت لك البليله وطبختهااا بنفسي ..؟؟
قاله القاضي انت اش دخلك مين سمحلك تطلب هذا الطلب الغريب .. الله لا يسامحك قاله نكد بس انا اعرف حاجه وحده يا سيدي القاضي انتا زعلان مني قاله القاضي وهو بيكح لااااا طبعااا ماني زعلان بس انتا حرق لي قلبي من كثر الملح الله يحرق قلبك .... وسكت القاضي على مضض .. وقضى ليله فرحه مابين الفراش والحمام .. من الآم بطنه وانتغصت عليه ليله العمر ,,,


وبعد اسبوع من الجواز سمع نكد بالصدفه صوووت لاقاضي بيهمس لمراته الجديه .... اناااا ماعاد قادر اتحمل


هدا نكد الئيم ... طفح بي الكيل ... وهومستلمني بالمصايب واحده ورا التــــانيه .. وبصراحه انا خايف عليك من اذيته وفكرت مافيش طريقه اخلص بهاااا منه غير اني ارحل من هذي البلد واهرب منهاا للابد ... قالت الحرمه ... اسيب اهلي واروح فييين ؟؟؟ قال القاضي اقولك حياتك في خطر تقولي اهلي ..؟؟؟ احنا نحضر نفسنا للرحيل بكره في الفجر ونكد لسى نااايم ... حتى مايحس بخروجنااا من البيت .. وضحك نكد من ورا الباب وقال في نفسه ... تروح مني فين ؟؟ يا سيدنا القاضي ...؟؟ انا وراك وراك والزمن طووويل ...

وقبل طلوع الفجر راح نكد واندس داخل كيس العفش اللي كان القاضي محضره عند الباب .. وقام القاضي ورماته عند الفجر . واخذو عفشهم واتوكلو على الله وخرجوو من البيت .. وصارو يمشووويجرو في الكيس ... وراهم والقاضي يقول : انتي ايش حطيت في الكيس ياحرمه ..؟؟حجاره ..
قد كده تشيلي عفش؟؟ويمشوو ويمووو الى ان تعبت مراته من كترة المشي وطلبت توقف شويه وترتاح والقاضي يقول اناااا ماراح ارتاح الا لماااا ابعد عن نكد المصيبه .. واستمرووو يمشوووو لحد مابعدو عن البلد وظن القاضي ان المسافه اللي قطعوهااا كـــــافيه تبعدهم عن نكد ..... ولما وافق يقعد ويرتاح فرش القاضي الارض واتمدد هومراته ... وهم بيناهجو ... من التعب .... وما انتبه القاضي الا على صوت يعرف ويكره سماعه بيقول ياسيدي القاضي تبغاني احضر لكم الفطووور .... ؟؟ امديكم جيعانين .... قاااااام القاضي وهو مفزوع ..... وما صدق عينه لما شاف نكد قدامه بيضحك في وجهه في منتهى البرود وصرخ وقال ... انت ايش جابك .... هنااااا ؟؟؟؟؟؟؟ قال نكد .. انا اندسيت في الكيس هد لما عرفت انكم مسافرين .... قلت جايز تحتاجوو شي وانا ديمااااا في الخدمه ..... ووقف القاضي على حيله وصار يزعق من غيضه ... وقال نكد بسرعه .... خير يا عمي انت زعلان .. مني ولا ايش ... رد القاضي .. وهو في منتهى الغضب ....
ايوه زعلان زعلان زعلان .... قال نكد هذا اللي انا ابغاه .... انك تزعل واقطع خشمك ..... قال القاضي .. خذ خشمي وانقلع من وجهي .... جبت لي البلا من يومما شفتك ...وقطع نكد خشم القاضي .... من جذوره .. وتركه دمه سايل ورجع لا خوه وقال له : هيااااا يا اخويااا ......

جبت لك خشم القاضي المفتري ... بعد ما عذبته عذاب الزيت في القنديل ....



ههههههههههههههههههههههههههههاي وبس ..


<< عجبني نكد... وه بس ..

طبعااا حقوق الطبع والنشر محفوووظه لي انااا ورد الحربي ..<< لاني تعبت وانا اكتب على الورد لين تحووولو عيوني ...
خليني اشوووف احد يلطشهااااا وينسبهااااا له ..... << شريره ..

<< لو عجبتكم القصه قولو لي وانا اكتب لكم قصه احلى من هذي برضوووو حجازيه ....
تحياتي /
ام نــــواف ...

ward


.