زوجي يبي أحد يوقفه عند حده؟؟......... - زوجــي و زوجتــي عالم الحياة الزوجية

ورد الجو ..:: عضو ::..

السلام عليكم
مشكلتي مع هالانسان باختصار انه له كم شهر متغير ومتقلب للاسوء للأسف
بعد الدوام يجي للبيت ويقابلني طول اليوم وحاط دوبه من دوبي ويناقرني على اتفه الاسباب ليش ما تبتسمين ليش لابسه أصفرليش نتاظرين الساعه ولما أكلم بالتلفون يجلس يتسمع لكلامي ولما أروح المطبخ يتسحب وراي مثل الحرامي ويقعد يراقبني وانا أسوي نفسي ما انتبهت ولما انام العصر كل شويه يدخل ويطلع
ولما جلست انا وياه جلسه هاديه وسألته عن سبب تصرفاته الغريبه صرف الموضوع وما جاوبني وبصراحه أنا حاسه ان الموضوع فيه انا حاولتأعرف سبب تصرفاته بس عصب علي وطلع من البيت وبعدينرجع ولا كأنه سوى شيء

المهم لي اسبوع ما أكلمه ومطنشته وأنام أنا وبنتي بغرفه ثانيه وأمس بعد العشا قال وهو يهاوش لحد متى بتنامين مع بنتك قلتله بكل هدوء أسأل نفسك ليش أنا أنام لحالي قالي لا تدخلين المواضيع ببعض وهنا ما قدرت أمسك أعصابي وأنفجرت في وجهه وقلت له طالما انك تشك فيني أنا ما أتحمل أقعد معك ولا دقيقه وبروح لاهلي قال روحي وقولي زوجي يشك فيني بالله هذا سبب أصلا انتي من زمان تبيني أطلقك بس لو تطولين السماء ما راح تطلعين من هنا الا على قبرك وجرني للغرفه جر
انا انصعقت من كلامه ووش قصده والله ما قد جبت طاري الطلاق والحمد لله حياتي مستقره وطول عمري وانا ما أقوله الا سم ويلبيه لحد ما شاف نفسه واستوطى حيطي لكني قررت اعلم اهلي عشان يوقفونه عند حده ويحس بقيمتي واني وراي أهل وعزوه بس بصراحه خايفه الموضوع يكبر وانا انسانه مسالمه ما احب المشاكل
ابغى رايكم كيف اتعامل معااااااااااااااااااه لاني قربت اذبح عمري :sa7l. (33):

ألج ــــرح أرح ــــــم ..!! ..:: مشطب العضوية و مطرود ::..

السلام عليكم

الله يهديه للصواب

شوفي اختي اذا قلتي لأهلك وصار شي فخلي في بالك راح تكون بينكم فجوه تؤثر على حياتكم

وبنفس الوقت ما ودي انك تسكتين على تصرفاته

والمشكله تقولين كلما حاولت اكلمه يتهرب او يلف ويدور !

انا نصيحتي لك انك تتمين في غرفة بنتك وتقدمين له كل حقوقه لكن بيني له استيائك

اما اذا كرر اسلوب القمع والتسلط ... لا تسمحين له ابد حتى لو تقولين لأهله هو يعني امه اخته واذا ما نفع معاهـ مالك الا عزوتك

والله اعلم

*ليالي ..:: جديد ::..

الله يعينك ويصبر قلبك.............لين اشوف حل لي اقولك لاني مثلك

أم هارون ..:: جديد ::..

لا حول ولا قوة إلا بالله
الله يهديه عليج ان شاء الله
عن نفسي افضل الاهل ما يتدخلون في المواضيع الصغيره هذي
تعرفين تدخلهم يعطي الموضوع اكثر من حجمه

انتي اسكتي عنه و خليج في غرفة بنتج لحد ما تهدى الامور و يحس بغلطه

حاولي تغيري اسلوبج معه
الرجال يحب الزوجه المتجدده في كل امورها
شكلج مهم في الوقت الحالي ( اللبس + المكياج + العطور ) في نظري اذا شافج بلوك جديد وهو محروم منج بخليه يتاسف ويراجع نفسه 100 مره
بعدين بنتج خليج قريبه منها و لا تحسسيها بخلافج مع ابوها
حاولي تمدحيه وتحببيها فيه في الوقت اللي يكون فيه موجود و يفضل يسمع المدح بنفسه
الشي هذا بكبرج في عينه
وان شاء الله ترجع المياه لمجاريها و تبشرينا :)

............................................. ...................................... اختج صابرين

اميره بكلمتي ..:: مشرفة دليل للنقاش و السؤال و الجواب ::..

حبيبتي /لو انك تركتيه براحته .....يراقب الين يمل ........ما انتي خسرانه شئ !!
هو اكيد يسمع كلام ....وقصص ........وبعضهم مريض بالشك ......
لمى يتاكد...منك ويرتاح باله ...
عموما صار اللي صار ..........
ونصيحه لك حبابه ...........مهما يصير لك في حياتك ومهما كان حجم مشكلتك لا تطلعين من غرفتك ....ابدا ابدا ..
لانها طريقه فاشله مع مرور الوقت ......وبيصير خروجك زي عدمه !!.....وهذا شئ راح يجرحك نفسيا ...
غرفة النوم هي المكان الهادي ....المرتع الامن للزوجين .......تقدري تفتحي الموضوع بود !!ركزي على ود .....
وتحلينه ......بدون ازعاج وصياح ...
.....
المسأله مو استوطى حيطك ....المسأله ...نفسيه ..عنده شك ...فانتي طمنيه ...وكل ما شك زياده تقربي منه ..
ولك خالص ودي

توقيع

التعامل معي كالتعامل مع المتفجرات ...الغلطه الاولى هي الاخيره :crutch:

أحد, يوقفه, يبي, حده؟؟, زوجي, عند

الموضوع التالي

قد يُعجبك ايضاً

كيف اسعد زوجى اثناء الجماع ، كيف اخلي زوجي سعيد مني في الجماع بس لعل زوجي يفهم حاو و يبادلني ابغى اغير زوجي ابغى زوجي رومنسي ساااااعدوني!!!!!!! زوجي عنيد مره و زوجتي عنيدة جدا ، زوجي يصرخ في و جهي ، زوجتي تصرخ رسائل زوجي وزوجتي رسائل زوجي و زوجتي

Adsense Management by Losha

( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )