صد وتغلا وأحرق أعصاب مغليك
وش قيمة الغالي إذاماتغلا
أبعد وطنشني وإذا قلت وش فيك
قول الهوا لعبه وحنا نتسلا
أبيك بارد دم تقهر محاكيك
وأنا أتظاهر بالصبر وأتحلا
وان جيت يمك مد عني خطاويك
من شيمة المقفي خطاويه عجلا
لاتلتفت لي لو أصوت وأناديك
وان طاحت الدمعه ترا العين خجلا
وإذا التقينا صدفه وقمت أراعيك
راع بطرف عينك وصد وتعلا
وان قلتلك تكفى ذبحني تجافيك والقلب ياقلبي من الصد ملا
قل بدري وطبطب علي بأياديك
وتل الخفوق بسهم الأعيان تلا
نذر"علي لبيع هالكون وأشريك
ياأحلى من السكر يابو عيون نجلا
وأبوس راسك ثم أقبل خطاويك
وأستسمحك لوجاتني منك زلا
وألك العهد لوتحرق أعصاب مغليك
يزود ماينقص غلامن تغلا
العرض العادي
