وين الحبيب اللي سكن فيك يادار
هاتي لي الأخبــار لن كان تدرين
عـــام بعد عـــام وانأ ادور أخبار
هـاتي خبــر تكفين يادار تكفين
ليا ذكرته صـــرت كني على نار
والدمع من فـرقاه تذرف بهاالعين
يادار كنتي شـــاهده كل ما صـار
واليوم صرنا عـن بعضنا بعيدين
ياما حفظتي ماوصل لك من أسرار
ويا ما مشــينا له بالأقــدام حافين
كنا على ضــوء القمــر دوم سمار
واليوم مـــا ندري عنه ساكن وين
تذكري يادار وين القمـــــر ســار
انا دخيــــــــــل الله لاجلي تقولين