أرسلت لي مـن مسنجرهـا رسالـة حيـة
ودهـا بالاستضافـة قلـت يــا حيـاهـا
قالـت أستأذنـك نبغـى دردشـة نصـيّـة
هي تسلـى أو تبينـي خافـي(ن) مبداهـا
والرسايـل خربشـة بـس إنهـا مقريـة
كل مضمـون الرسايـل جـد مـا يعناهـا
بالأصـح إن الرسايـل كلـهـا شكلـيـة
هي وسيلة للوصـول اللـي علـى مبناهـا
كنها مـن دردشتهـا مثـل شكـل الحيـة
تلتـوي مـرة يسـار أومـرة(ن) يمناهـا
قمت أتابعها واحـاول لـو عرفـت النيـة
أرفقت لـي رسمهـا قالـت لـي أتنباهـا
خربشـة بـس اعتبرهـا لوحـةً فنـيـة
رسـم تشكيلـي لمتـذوق عسـى يقراهـا
وابتديت أتأمل البسمات حول اللوحة المعنية
في الوسط بعض الحروف امنثـرة تزهاهـا
بينهـا عـدة خطـوط أمخربشـة ورديـة
ما قدرت أفهم هدفهـا مبهـم (ن) معناهـا
قلـت رسمـك يالبنيـة مـا عرفنـا زيـه
فهميني فسّري تاهت بي الفكرة قبل ما القاها
ردت أنـت اللـي عنيتـك تايهـه مبليـة
ضايعـة والهـم زاد النفـس مـن بلواهـا
قلت وشهو؟ من غرابـة دربهـا الملويـة
قالت آآحبك أحبـك عينـي أنـت اضياهـا
قلـت ربـي ياخـذك يـا آنسـة جنّـيـة
كيف تبغينـي أصـدّق بنـت مـا شفناهـأ
ارتبك حرفـي وصـارت خربشتهـا فيّـة
صرت أنا التايه وهي ترقص على مرساهـا
جننتنـي يـوم قالـت انتظـرنـي جـيـه
واقطعت كـل اتصـال(ن) بيننـا برضاهـا
وانتظـرت الجيـة اللـي أذكرتهـا لـيـه
لا خبر لا حـس مـدري ويـن أبستناهـا
صـادقـة أو كـاذبـة دوامــةٍ فكـريـة
حارت أفكاري ولي يوميـن فـي رجواهـا
ولا أنا ما اخفـي عليكـم غايتـي مكنيـة
دايمـا تضنينـي اللهفـة علـى لقيـاهـا
وإن فقدتوني ترون اللـي اخطفتنـي هيـه
ابحثـوا عنـي وتلقونـي مـع أسـراهـا
كالعاده > مسروقه وما عليّ من احد :115: