ياقلب لا تشكي همومك على الناس
ما كل شخص(ن)يعذرك في مصابك
لا تسكب الدمعه على خد حساس
ولا تحرق أوراق الزهر في عتابك
ولا تضيق الصدر المولع بالأنفاس
ولا تقطع عروق(ن)بكت عند بابك
ياقلب والله مابقى بعيني انعاس
يومك شكيت الحب محد(ن)درابك
النار ما تحرق سوى رجل من داس
واللي كواه الحب يفهم خطابك
قلبك شرب مجنون ليلى من الكاس
واليوم نفس الكاس تسقى شرابك
ياقلب أعرف معدنك معدن ألماس
توفي لحبيب الروح لو هو رمابك
ياقلب خلك بالشدايد قوي باس
لاتلتفت للجرح لو هو سطابك
ياقلب لا تسقي عروقك من الياس
وخل الأمل والصدق دايم زهابك
مادام طاحتفاسك اليوم بالراس
اعذر جميع الناس واخفي عذابك
وســـــــــــلامـــتـــكـــمـ