Vegetable Jalfrezi



المقادير:
نص زهره كبيره , حبة جزر
ربع ملعقه صغيره كركم , ملعقة زيت
نص بصل مقطع مربعات كبيره
ملعقه صغيره زنجبيل ,ملعقتين صغار ثوم مهروس
حبة طماط مفروم, ملعقه صغيره صلصه
ملعقه كبيره كزبره حب , ملعقه صغيره قارام مسالا , ملح
نص فلفل اخضر بارد مقطع مكعبات, نص كوب بازيلاء مثلج
حبة طماط مقطع مكعبات كبار
شوية عصير ليمون

الطريقه:
تسلق الزهره والجزر في مويه وملح وكركم مدة 3 دقايق ونطلعها ونحطها في مويه
بارده , في قدر نحط الزيت والبصل والزنجبيل والثوم, بعد مايذوب البصل شوي نحط
الطماط المفروم والصلصه واتركها دقايق,نضيف الفلفل البارد والبازيلاء والزهره والجزر
ومع اضافة كل خضره نحرك عشان تختلط النكهات, احمس الكزبره الحب لما يتغير
لونها شوي بس بعدين اطحنها واضيفها عالخضره ونحط القارام مسالا ورشة ملح واخر
شي قبل التقديم نحط الطماط المقطع وعصير الليمون..


Yogurt Biryani



المقادير:
دجاجه مقطعه 8 قطع ومنزوعة الجلد
علبتين زبادي , حبتين بصل وسط مقطعه شرايح , رز مغسول ومنقوع , حبة بطاطس
كبيره مقطعه مكعبات, ثلاث ملاعق زيت , ملعقتين زبده, ملعقه كبيره زنجبيل وثوم
مهروس , حبة فلفل اخضر حار مقطع , عود قرفه , ورقتين غار , 4 هيل حب
4 مسمار ، 6 حبات فلفل اسود, ملعقه صغيره كمون حب , ملعقه صغيره كمون
بودره , ملعقه صغيره كزبره بودره , ربع ملعقه صغيره كركم ، فلفل احمر بودره
ربع كوب نعناع ، وربع كوب بقدونس , كاجو وزبيب

الطريقه :
نحمس الكاجو والزبيب لين يتغير لون الكاجو بعدين نشيله ونحطه على جمب , في نفس الزيت نحمس
كل البهارات الحب ثم نضيف البصل والثوم والزنجبيل والدجاج والبطاطس ونخليهم لين يتغير لون الدجاج
نحط الزبادي والكزبره والنعناع وكل البهارات البودره ونغطيه لين يستوي , نسلق الرز (نص استواء)
بنفس البهارات الحب اللي في الدجاج مع ملح وزيت , بعد مانصفي الرز نحط نصه في قاع القدر
ونحط خلطة الدجاج فوقه ونغطيها بباقي الرز ونرشه بزعفران مذوب في مويه وشوية
لون صبغة احمر , وكم قطعة زبده ونغلفه بقصدير ونتركه لين يستوي الرز, يزيّن
بالكاجو والزبيب والبصل المقلي..


Chicken Tikka Biryani



المقادير :
صدور دجاج مقطعه مكعبات كبار متبل بتتبيلة التكا *( اللي سبق استخدمناها بالسلطه )
نغطيها ونخليها في الثلاجة لمدة ليلة كاملة
- مقادير خليط المسالا : ( زيت , نص ملعقه كبيره كمون حب ,ثوم وزنجبيل مهروس, ملعقه كبيره كركم ,
ملعقه صغيره قارام مسالا باودرحبة بصل مفروم ,حبة طماطه كبيره مقطع صغار , رشة ملح )

الطريقه :
- نشوي الصدور اللي تبلناها بتتبيلة التكا في الفرن لمدة ساعه على حراره وسط بعدين نطلعها ونخليها على جنب
- يسلق الرز مع قارام مسالا حب وزيت وشوية ملح (نص استواء) ويترك على جنب
- لعمل خليط المسالا .. نحمس الزيت مع الكمون الحب شوي ونحط البصل والثوم والزنجبيل
واذا ذبل البصل نحط الطماط والبهار وصدور التكا المشوية ونخليهم لين يذوب الطماط ويصير متجانس ونطفي عنه
في قدر نحط نص الرز وفوقه خليط المسالا وفوقه باقي الرز ونرشه بالزعفران وكم قطعة زبده ,
نغطي القدر بقصدير ونخليه لين يستوي الرز .. وعند التقديم نضع الكزبره الخضراء والبصل المقلي..


لحظه

Zair Lime Cocktail




المقادير:
ملعقتين كبيره عصير ليمون
ملعقة سكر
سفن اب


Mango Lassi




المقادير:
مانجو مثلج .. الكميه اختياري ( انا حطيت مايعادل كوب )
علبة زبادي , ملعقة كبيره سكر
تخلط في الخلاط ، وتزيّن بالايس كريم ..


Chocalate Burfi



المقادير:
5 اكواب حليب بودره , كريمة خفق * نص لتر *
وربع كوب سكر بودره , نص كوب * chocalate chips *
ملعقه صغيره كاكاو بودره

الطريقه:
نخلط الحليب مع الكريمه والسكر ونصبها في صينيه مغلفه بورق الزبده او كيس نايلون عشان يسهل شيلها من الصينيه
ونسيح الكاكاو في حمام مائي ونضيف بودرة الكاكاو ونصبها فوق الخلطه البيضاء وندخلها الفريز لين تجمد..


لحظه

Gulab Jamun




المقادير:
نص كوب حليب بودره , ملعقتين كبار دقيق , ملعقتين كبار زبادي , ملعقة زيت ,ربع ملعقه صغيره بيكربونات الصوديوم
نص ملعقه صغيره هيل مطحون
للشيره:
2 كوب مويه , 2 كوب سكر , شوية زعفران

الطريقه:
تخلط جميع المقادير مع بعض وتكور (بللو إياديكم بزيت او مويه وقت التكوير)
ونقليها.. ونصب عليها الشيرة ..


Suji Halwa



المقادير:
نص كوب سكر ,نص كوب سميد ,ثلاث ملاعق كبار زبده ذايبه , ملعقه كبيره كاجو محمص مجروش, ملعقه كبيره زبيب
كوب مويه , شوية زعفران , ربع ملعقه صغيره هيل مطحون

الطريقه:
نحمص الكاجو والزبيب والسميد ونقلب مدة عشر دقايق ,نحط السكر ونقلب ونحط المويه ونخليها لين تثقل
نجرش السكر مع الزعفران ونضيفه ونخلط ,وآخر شي نضيف الهيل.. نحطها في قالب ونزينها باللوز..


Jalebi Sweet



المقادير:
نص كوب دقيق , نص ملعقه صغيره خميره ,ملعقه كبيره مويه دافيه ,ملعقه صغيره دقيق الحمص
نص ملعقه صغيره سكر ,نص ملعقه صغيره زيت ,نص كوب مويه دافيه ,زيت قلي

الطريقه:
في وعاء نذوب الخميره مع ملعقة مويه دافيه ونخلطهم شوي ,نضيف عليهم الدقيق ودقيق الحمص والسكر والزيت ونخلطهم
ونضيف نص كوب المويه بالتدريج لماتحصلين على عجينه مطاطيه لينه ,نصبها في علبة مثل (علبة الكاتشب الضغط)
نحمي الزيت على حراره وسط وتسوون العجينه بالشكل اللي تحبون.. وتُقلى
وبالف عافيه

تحيــآتي/
ورد الحربي
م/ لعيونكم

وااااااااااااو ياورد

حرام عليكي متحمة على اكلات حامضة ومفلفلة

من وين الحين اجيب اكل هندي اشتهيتها بقوة

تسلم الايادي

من يد مانعدمها حبيبتي

الله يعطيك العافيه ورد..

ماقصرتي..