بالمنتدى لي شخص غالي ومحبوب
يسوى جميع الناس قاصي ودانـي
غالي وحبه داخل القلب مصبـوب
مبليًـه بحبـه وربــي بـلانـي
القلب دوًه..والغـلا فيـه مشبـوب
ناره تواقـد باالحشـى والمحانـي
القلب في حبـه مولـع ومغصـوب
الله عليـه ان كـان قلبـه نسانـي
يقطع على شاني مسافـات ودروب
لاقلت لـه تكفـى بشوفـك ثوانـي
اذوب واصحى وارجع شوي واذوب
لامـن تقابلنـا بـذاك المكـانـي
نظرات عينه شي.. واسلوبه اسلوب
لاجيت اسولف لـه تلعثـم لسانـي
يقول انتي غير.. مافيك عـذروب
ياالشاعره يـاام الدلـع والحنانـي
قال اقصدي بسمع هجيني ومسحوب
قلت استلم هاالبيت والعمـر فانـي
((لاصار تال الحب فرقى ومكتوب
لاتنزل دموعك فديتـك عشانـي))