السلام عليكم ورحمة الله
اسمحولي ادخل بموضوعي
بداية المشكله او المصيبه وانا نفاس طبعا انا ماعندي الا بنت وحده بس
فلما كنت نفاس كنت عند اهلي ووقت نفاسي ابوي رمم البيت فاضطريت اني انتقل لبيتي انا اللي مافيه الا وزوجي
بالبدايه انتوا عارفين ان البيبي يبكي مابين كل ساعتين او ساعه ونص يبي رضاعه اول الايام زوجي كان ساكت بعدا تفاجئت اني اذا رحت اسوي لها رضاعه القاه ماخذها بيده ويضربها على وجهها ويكتمها انا انهبلت قلت اكيد انه ماكان في وعييه
تهاوشت انا وهو وسكت بعدها صارت هالمعامله معي على طول وفي تطور مستمر يضربها ضرب والله واللي يحرمني عمري انه يضربها كف على وجهها ويرفعها فوق ينفضها نفض ويصرخ بوجهها اسكتي اسكتي وهي فاحطه صاير لونها ازرق
قلت لخواته ماصدقوني قالوا استحاله لانه حنون طيب راقي بتعامله قلت هالكلام اللي تقولونه ولا شي فيه
فمره كان يضربها وصورته وشافوه خواته وسكتوا انصدموا وسكتوا
حاولت بكل الطرق امنعه مافيه فايده ومره ضربها انا انهرت طحت مغمي علي وبعدها تاب من ضربها والحين صار يكتم انفاسها والا ينرفزها يمسك خشمها يسد نفسها وهي تفحط واذا جيت باخذها يتلفظ علي الفاظ ومره دفني لاتاخذينها
على فكره بنتي عمرها الحين خمسه شهور وثمان ايام وش الحل انا ماادري
تعبببببببت بقووووووووة تعبت تعبت تعبت
اخر شئ فكرة اسويه اني اروح لاهلي لحد مايتسنع