بنت تمـر الضلـوع وبيتهـا بيتهـا
ما غيرتها السنين ومـا تغيـرت أنـا
يوم اكشفت عـن مفاتنهـا وضميتهـا
قالت لي الحب وش هو قلت بيت الهنا
يا ليت مالي خفوق ينبـض و ليتهـا
إلا نعس رمشها ما عـاد تسـرف بنـا
يغار قميصهـا مـن لمـس جاكيتهـا
لا هزت كتوفها كبر ودلع و انثنا
خصر من الشوق اذا مالـ و تماديتهـا
إن أقبل الله لنـا وإن أدبـر الله لنـا
أغلى المزايين و أحلاهم شهر صيتها
فقيرة الخصر و الأرداف طفرة غنـا
قالت يا زين المطر قال المطر جيتها
لين السحب حاصرتها من هناك وهنا
قلت لسنا الشمس علمنـي لا مريتهـا
أبغي أشوف السنا لا من تعانق سنـا
خلتني البارحـة و أنـا مـا خليتهـا
غنيت لحن المفارق والهجـر والعنـا
لي الحين وانا ضلوعي بيتهـا بيتهـا
ما غيرتها السنين ومـا تغيـرت انـا
منقووو راقت لي وووول