السلام عليكم ..
مو عارفه كيف ابدا بس انا عمري 20 و زوجي عمره 29 و عندي ولد عمره 10 شهور وبعد كم شهر راح نكمل سنتين
عندي مشكلتين مع زوجي الاولى اني اكتشفت بعد الزواج انه مايصلي و طول الفتره هذي ولا مرا شفته يصلي وكل مافتحت الموضوع معاه يسكتني ويغير الموضوع او يرد بكل برود ويقول انتي بس ادعيلي وياما نصحته وتكلمت بس بدون فايده وانا خايفه عليه من غضب ربي ودايم ادعي انو يهديه مدري ايش الحل معاه ..
مشكلتي الثانيه اني ماطولت بعد زواجي وحملت تقريبا من ثاني شهر
مستحيه مدري كيف اقولكم بس مالي غيركم واحس مااقدر افتح الموضوع هدا مع اي احد
المهم زوجي قبل مااولد كان يجيني كثير بس بعد الولاده لاحضت انه تغير وصار يقعد بالشهر مايجيني وطبعا تعبت نفسيتي حسيت بنقص ليه يسوي معايه كدا ولمن صارحته قالي انو المنطقه عندي تغيرت وصارت اوسع مو زي اول واستغربت يعني معقول من اول ولاده يحصل كدا المهم لاحظت انو لمن ينام معايا دايم يحاول يجيني من ورا بس انا ارفض و بعدها يقوم يتركني وينام ومعد يكمل وقعدنا فتره على هدا الحال لكن للاسف جا يوم وضعفت حاول فيه وقلت له انو حرام وماابغى ذا الشي وقالي بس هذي المرا وخلاص و انا والله ندمانه ومقهوره من نفسي اني رضيت له وقلت له انو هدي اول واخر مرا وكالعاده رجع يحاول فيا بس رفضت و حاليا افكر اسوي خياطه تجميليه انصحوني ابغى اي حل مع انه الحمدلله كويس معايا وطيب و نحب بعض بس هذي المشكله متعبتني وماابغى زوجي يضيع مني ولا ابغى اسوي شي حرام ويغضب ربي
اتمنى تساعدوني واسفه طولت عليكم ..