السلام عليكم ؛؛ كيفكم يااصحاب المنتدى
من زمان كنت اقرا واتصفح واعجبني كل شي فيه وهاذي اول موضوع لي بكتبه
وابغا منكم الحل سريعا بالذات خبرات المتزوجين من الرجال والنساء
والرجال خاااااااااااااااااااااصه
مشكلتي انا متملكه لي 3 شهور واكلم زوجي وكنا متفاهمين ومرتاحين الحمدلله
واللحين مره متضايقه من زوجي له اسبوع او اكثر متغير علي باسلوبه ورسايله
صايره جافه مافيها حب ورومانسيه وانا والله متاكده اني ماقصرت معاه بشي لابرسايل حلوه
ولا اسلوب حلو ,,,, وكان زوجي يمدح في اسلوبي وحبي كثير
وصاير مايكلمني ولايرسل لحد ماارسل واذكره فيني؛؛؛؛؛؛؛؛؛؛؛؛؛؛؛؛ تغير مره
واليوم سألته وقالي انا صاير شعوري تجاهك عادي مدري ليه ماتهميني
ويوم شافني تضايقت من الكلام هذا قالي هذي الصراحه ولاتزعلين
وانتي بيدك ترجعين كل شي لاول واحسن وانا ماادري وش اسوي له واكررر انا ارسله رسايل دايم
واكلمه انا واتطمن واححسسه بالامان والحب معاي
وانا ماادري وش اسوي له رغم اني ماقصرت ابد؟؟؟؟
عطوني الحل يارجال خاصه وش الحل هل زوجي مل مني ؟؟؟ والرجال يحب المرأه الثقيله اللي ماتلاحقه؟؟
رغم اننا بوقت ملكه وايام حلوه هل صحيح مل ويبغى التجديد ؟؟ والا وش السالفه؟؟
لاني تعبت كل مكالمه اسوا من اللي قبلها ورسايله مره جافه وصارحته وعادي عنده؟؟؟
وانا ناويه اقوله وش رايك نقطع مكالمات عشا ن يشتاق لي
وبس يكون بيننا رسايل ليوم زواجي وانا زواجي بعد العيد باخر شوال باذن الله واخاف يتضايق ويبعد عني اكثر وينساني؟؟؟ وش الحل معاه كل اللي علي سويته وابي اللحين رايكم لاني عجزت انام من الضيقه ؟؟؟
انتظر ردودكم باسرع وقت تكفون ساعدوني