جبتلكم اليوم مكعبات التمر والشوفان لذيذه ومفييده
طبعا راح انزللكم المقادير اللي تكفي صينيه وسط
انا سويت نص المقدار بالصينيه الصغيره
المقادير:
كاس ونص دقيق
كاس ونص شوفان
كاس سكر اسمر
كاس وربع زبدة يعني حوالي اصبعين ونص زبدة
ملعقة كبيرة بكنج بودر
تمر منزوع النوى أو جاهز اللي تحبينه
نخلط الدقيق والشوفان والسكر والبيكنغ بودر مع بعض .....
نحط الزبدة ونخلطهم مزبوط مزبوط لو حسيتي إن الخليط جاف شوي حطي ربع كوب ماء أو أقل وإذا مااحتاج
عندك يعني قدرتي تمدينه بالصينيه بسهولة خير وبركة ماله داعي تحطين مويه ..
حطي نص المقدار بالصينية المدهونة
وافردي التمر بين ورقتين زبدة سهلة الحركة هذي جداً وتريح
حطيه فوق الطبقة الاولى وافردي الباقي من الخليط على الوجه ,,
حطيه بالفرن المسخن مسبقاً ,,, يأخذ حوالي 30 الى 35 دقيقة وانتي وفرنك .,,,
برديه وقطعيه مكعبات ,,, مع القهوة للكبار أو مع الحليب للصغار حلاه جداً ممتاز ..