السلام عليكم
طبعا انا اول مرة اكتب في المنتدى الرائع أبغى افضفض لأنه ماعندي احد افضفض له لدرجة اني صرت اتكلم مع نفسي عن مشاكلي ماعندي اخوات كبار كلهم صغار وامي لو قلت لها على مشكلة ماتنام الليل وتجلس تبكي عشان كذا ما اقولها على شئ
بداية القصة انا اتزوجت وعمري 18 وزوجي اكبر مني بتسع سنوات ماكنت متعلقة بزوجي في فترة الخطوبة وبداية زواجي يمكن لأنه مو وسيم المهم حاولت اني احبه وبدات احبه بسبب طيبته لكن المشكله ما احس بانه يهتم فيني انا الآن لي 7 سنوات متزوجة ..انقطعت الهدايا مع اني اقوله ابغاك تجيب لي هدايا عطر جوال ملابس نوم اي شئ جيب لي بس لاحياة لمن تنادي باختصار ما احس باهتمام ابغاه يهتم فيني يسالني عن مشاكلي عن اللي مكدر خاطري ابغى اشعر بالحنان..حتى لمن يكون جالس بالبيت دايما ساكت ولا يكلمني عن مشاكله بس يطالع التلفزيون والله مليت.... زوجي كل همه اني اخلف عيال ... واللي زاد الطين بله وخلاني اكره كره شديد قبل سنة قرر يتزوج علي وحدة من صديقاتي بسبب اني عندي بنتين جايبتهم قيصري يقول انت ما تجيبين الا بنات وماتولدين الا قيصري ويبغالك فترة بين كل ولادة والثانية وانا ابغا عيال كثييييييير كرهته وبكيت من قلبي قلت له العمر قدامي انا لسا صغيره عشت ايام حزن ونكد كانه غرس بقلبي سكين ودعيت ربي والحمدلله ربي رزقني بولد ذحين عمره شهرين حتى لمن ولدت ماشفت هديه.. المشكلة الثانية اني انا موظفة واخذ مني مية الف وذحين يقولي خذي قرض وبيعي ذهبك ابغى ابني ارضي قلت له اكتبني شريكة معاك اضمن حقي قال لي لالالالالالالالالالالا اوعدك اذا ساعدتيني بفلوسك وبنيت انه لمن تجيني فلوس اشتري لك ارض طبعا رفضت وزعلان علي ولا يكلمني اصبحت اكره كره شديد واصبحت اقله اني اكره وانه حطم قلبي بنية زواجه بس يقول خلاص راحت الفكرة من راسي دام جا الولد وانا والله ما اضمنه
اتمنى انكم تنصحوني