مدامك ســائلٍ عــني أكيد أن ضيقتي راحت أنا من كثر ما أحــبـك أشوفك في عيوني غير تضيق النفس من غيرك ولا من شفتك أرتاحت أحبك كـثـر مـا تـطــري في بالي وتشغل التفكير كـثـر مـا أشيلك بعيني ونــــاسٍ منها طاحت أحبك كثر ما أدمح خطاك أن خانك التعبير كثر ما خانت الرفقـه بـكـتـم أسرارها وباحت أحبك كثر صـقـارٍ تـولـع فـــي مـحـبـة طـيـر كثر ما دلة الطيب بـريـحـة هـيلـهـا فـاحـت أحبك كـثر مـا أحـس بشعور أني عليك أغير كثر ما أزيـح هالغيره عن أفكاري ولا أنزاحت أحبك كـثر ما لك داخلي حب وغلا وتقدير كثر ما غبت عن عيني ودموع مفارقك ساحت تصدق من عرفتك صرت أحبك و أكره التغيير وأنـا اللي كـنـت أعـشق كل نجمه بالسما لاحت تـأكـد كـل مـا تـسـأل عـن أحـوالـي أكون بخير مدامك سائلٍ عـني أكيد أن ضـيـقـتـي راحـت