لاحول ولاقوة الابالله
أخوي الا الطلاق لاتفكر فيه أبد ولاتظلم بنت الناس .. انت تقول انها يتيمه وفوق ذا
عندك منها عيال يعني انت مابتجني على اطفالك وبس الا بتجني عليها معاهم
وهذا مايرضي الله ويمكن ربي مايوفقك مع غيرها لو ظلمتها
يعني يا أخوي تحمل واصبر وعلم وجاهد لأن الله ماحط العصمه بيد
الرجل الا لأنه هو الأعقل والأقوى صبر وتحمل .. وثق ان الله ماراح
يضيع صبرك وتعبك وراح يجي يوم وهي بنفسها تتذكرها وتذكرها لك
أخوي أول حاجه تبدأ فيها شوف زوجتك صحياً يعني سو لها تحليل دم
شامل يمكن هي تعاني من مشكله صحيه وانت وهي ماتدرون ..
يمكن الخمول اللي فيها وعدم رغبتها في الجنس وعدم الرغبه في
الحركه وزيادة الوزن يكون سببه نقص في هرمون الغده الدرقيه أو
لخبطة هرمونات أو نقص الهيموغلوبين ( فقر دم ) والله يا أخوي اي
لخبطه في الدم تلخبط كيان الانسان كامل لكن احنا نغفل كثير !!
طبعا اذا سويت لها تحاليل وطلعت سليمه فمالك الا استخدام العقل
والصرامه معاها لكن بدون ظلم .. يعني قولها وبصريح العباره
ياتتعدلين وتعدلين من وضعك والا بتزوج عليك لأنك ماريحتيني ابد ..
وهذا يكون تهديد بس , مو تصدق السالفه وتسويها جد خخخخ
ومع هالكلام تحدد لها فتره معينه مثل شهر .. ولو مر هالشهر
وماشفت تغيير مالك الا الهجر .. يعني تهجرها في الفراش تحاول
تبين لها انك زعلان منها و انك مستغني عنها ومن هالتصرفات اللي ممكن تخوفها فيها
هي في هالحاله ممكن تجي وتبكي وتعتذر وانت هنا عليك التصرف
بعقل وحكمه بدون ضعف ..قولها انا ما ابي اعتذار انا ابي افعال وتغيير
ياتتغيرين يا أنفذ
يا أخوي حاول تعدل من تعاملك معاها عشان هي تتغير وتحس
بالمسؤوليه .. وربي أكثر خراب الحريم من كثرة دلال الأزواج أو كثرة
قسوتهم عليهم ..وتذكر ان توكم بادين في الحياه .. ترى والله 6
سنين ماتعتبر شيء وياما راح تواجهون .. يعني يا أخوي علم واصبر ودلل واقسى لكن بدون افراط أو تفريط
الاعتدال زين في كل الامور والصبر أزين عشان تستمر سفينة الحياه
اتمنى أكون افدتك وأعتذر ع الاطاله
وأسأل الله ان يصلح حالكم ويسعدكم