الشخص الي اتمنى اجلس معه سااعه(أبي) ألي مااات وانا ببطن امي
يعني ماشااافني ولا شفته بس الحمدالله على كل حااال ولا اعتراض
على حكمة الله........فلو تمنيت تمنيت أبوي اجلس معه
شكرا على الموضوع الي قلب المواااجع عندي
بسم الله الرحمن الرحيم ماادري ليه السؤال رجعني للوراء وذكرني بسالفة احاول اتناساها رغم انها في يوم من الايام كانت شغلي الشاغل وكنت انام واصحى وانا افكر في هذا الشخص .السالفه ترجع ل 6 سنوات وقتها كان عمري 18 سنه .المهم كان فيه واحد من معارفنا كلموني عنه وانه يبي يخطبني رغم انه ماعمرنا شفنا بعض ووصفوه لي ماشاء الله تعليم ووظيفة وقمة في الوسامه وفوق كل هذا وذاك شاعر يعني مواصفات لايمكن ترفضها اي وحدة الا بالعكس تعتبر حلم للصبايا ومحافظ على الصلاة يعني كامل والكامل الله سبحانه . المهم من ذاك اليوم وانا انام على صورته <راسمه له صورة بخيالي > واصحى وانا تفكيري فيه وكنت احلم بالكلام الي بقوله له واللبس الي البسه له ورسمت حياتي معه كيف بتكون <بس من يومي الدنيا تعاندني اي شي احلم فيه مايتحقق حتى لو كان تافه علشان كذا الان احاول مااحلم واترك اموري للايام تصرفها بعد حكمة الله >وهو كان يتعمد يتصل على رقم الثابت علشان يكلم اخوه <على فكرة هو اخو زوج امي > المهم كان زوج امي دايم يقول والله لاعطيك فلان ويمدح فيه وكان في نفس الوقت يكلمه عني فكان يتصل على الثابت علشان ارد عليه وكل الي بيننا السلام ووين فلان بس قلبي كان يحكي اكثر ونغمة صوتة كانت تخبرني باشياء كثيرة يعني حبنا كان عذري بكل ماتحمله الكلمة من معنى المهم خطبني ورفضته امي دايركت حتى من غير ماتخبرني وزوجها جاء وقالي وكان عذرها اني لسه صغيرة ومع كذا ظل يخطبني لغاية اربع مرات وانا ظليت احلم فيه وفي كل مرة كانت ترفضه وبعدين سمعت بخبر خطوبته وتعبت وخذوني للمستشفى من غير مااحد يدري وش سبب علتي وعذر امي لرفضه انه مو من سكان الشرقية لان اصله من حائل وهي خايفه اني ابعد عنها لكن انا اظن انه السبب لانها مو سعيدة مع زوجها ودايم مشاكل تقرب توصل للطلاق وخافت علي والله هذا تفسيري الوحيد لتصرفها المهم بعده بشهرين انا انخطبت ووافقت امي دايركت من غير ماتاخذ رايي وانا من النوع الي سياستي ياغريب كن اديب .كنت اعتبر نفسي غريبه في بيت امي واحس اني ثقل عليها وكانت رغبتي اني اخفف عليها الحمل وفعلا تم الزواج والحمدلله ربي عوضني بزوجي صحيح مافيه زواج كامل بس الحمدلله وهو الله يوفقه .هو الان عنده بنت وانا عندي شيخ الرجال ولدي .بس لما قريت سؤالك ماادري ليه الذاكرة رجعت فيني وتمنيت اقضي الوقت معه <الله يتوب علي >ويحفظ لي زوجي وولدي اما هو الله يسعده ويبعده. آسفه للاطاله:spying: