قالوا تتـوب وقلـت والله ماتـوب
عن الهواء والحـب مانـي بتايـب
منساك لو الشمس تشرقبي غـروب
وطيح عجزانً على الأرض شايـب
منساك لو بعدك لبست الكفن ثـوب
وآدفن وتركز فوق راسي نصايـب
جيتك وآجر اخطاي زلات وذنـوب
آجهل طريق الحق وآقـول صايـب
جيتك مع النسيان واجفاك من صوب
جيتك وشوف الحال وانت السبايـب
حلمت حلم محمـد وصبـر ايـوب
هذي ثلاث ايام يازيـن غايـب
من سبت غيابك بدى الخافق يذوب
ودموع عيني فوق خـدي سكايـب
حبيت قلبي يـوم حبـك يامحبـوب
واشتقت لك شوق البذر للسحايـب
حبك بقلبي حب يوسـف ويعقـوب
غاروا خوانه كيف عـاد القرايـب
قلبي غنيمه حرب لك صار منهـوب
وقفيت به عقب النصر منت خايـب
طال الغياب وجمر الأشواق مشبوب
وطيفك يجيني مع نسيـم الهبايـب
للعين نظرة تشوف وللخطوه دروب
وللبعـد وصـل وللمحبـه حبايـب
ولولا التفائل والقدر لـوح مكتـوب
سلمت نفسي في يديـن المصايـب
حزني ملك وهموم قلبي له شعـوب
صغير سن وجرح الأشواق شايـب
ولو قالوا التوبـه لا بالله ماتـوب
إن كان حبه ذنـب مانيـ بتايـب
حبــــــــــــــــــــي ..