حبيبي وينك وويني وش اللي مغير احوالك
أشوفك ما تكلمني ولا تنشد عن اوطاني؟ .
. يغالط قلبك احساسه يراوغ نبضه الهالك
يراوغ لهفة اشواقك وحبٍ عاد يهواني .
. تعال وعانق احساسي وقلبي اللي تعنالك
ولملم جرحي بكفك وشتت كل أحزاني .
. حبيبي ما اقدر اوصف لك حنين وشوق لوصالك
أبي ألقاك واتذوق شعور الواله الحاني .
. واعيشك لحظه بلحظه واضوّي ليلك الحالك
وأسافر في وطن حبك وودع أرض أشجاني .
. واصافح همسك وعينك واقول القلب منزالك
واقول اقرا وسط عيني وله مزمن بوجداني .
. وحبٍ يخرق العاده ولا يخطر على بالك
واضمد جرحك بكفي واقاوم حزنك الجاني .
. وأشوفك في وسط روحي ظما يطرده شلالك
ويسقي روحي الجدبه ويروي كل أغصاني .
. وابيك تكون في كوني وتقهر كل عذالك
وتاخذ روحي وعمري وصفوة كل أزماني .