المشاركة الأصلية كتبت بواسطة اخصائي اجتماعي
اقتباس :
والله زوجك من النوع المستفز للشخص الاخر
هو عارف انتي ايش تبين واضح من تعبيرك بس هو من الممكن يحب انك تغاري عليه من البنات ووو الخ
بالنسبه للصور انصحك انك لاتدققين عليها لان مافي رجال في الدنيا مايحب ينظر للبنت الجميله لكن هذا مو معناته انه البنت الجميله افضل من زوجته ولو سالتيه هل ممكن تتزوج هذه البنت الجميله يقول لك لا انا متزوج بنت اصل وفصل وبنت ناس محترمين ماراح اتركها عشان وحده ساقطه هكذا تفكير الاغلبيه من الشباب
بالنسبه للعيوب وذكرها امامك شوفي اختي في اسلوب لبعض الرجال ومن ضمنها انا بصراحه اقولك مثلا انا لو شفت بنت بتطبخ اكلها حلو وكل حاجه اذا ابيها تتطور اكثر واكثر اقول لها والله اختي في البيت تطبخ افضل منك فاكيد هي راح تبدع وتغار
هذي تقريبا تتقارن بحكاية زوجك من ناحية وصف العيوب يعني بالعربي يبيكي تغاري وتبدعي حتى لو كنت مبدعه
لكن انا اعترف فعلا هو بصراحه مزوده حبتين لكن الحل في اعتقادي انك تثقلين عليه شوي
يعني لو قالك اوف على البنت الصاروخ الي هناك قولي له اساسا هي شوف كيف متبرجه وماينظر للساقط الا الي ............... كذا من غير ماتوضحي خليه يتلخبط
بالنسبه للعيوب الي يذكرها فيكي اذا قلك اخ بس لو كذا او كذا قولي له راح ان شاء الله اعدل من نفسي كله لجل عيونك
وادعي له بالهدايه ولا تشيلي في بالك وحاولي تشغلي بالك بامور البيت بااطفالك بعملك وراح تشوفي كيف راح يجري وراكي خففي الاهتمام بيه شوي وراح تشوفي الفرق
بالتوفيق
مشكور اخوي اخصائي بالنسبه لذكر العيوب والتلميح علشان اتشجع واصير احسن انا مو ناقصني شي فالاهتمام الحمدلله
وبعدين انا عكس وجهة نظرك صحيح البنت تغار من مثيلاتها من البنات بس ممكن توصل مرحلة التحطيم اذا مثلا بطبخ واتعب وابذل جهد على طبخي مثلا او نفسي واخرتها يذم لو شي بسيط انا اتحطم واحيانا ماعاد ابي اسوي شي ثاني يعني تنسد نفسي
وبذكر نقطه انا نسيت اقولها انا اخذته عن حب سنين وانا سمرا فاتح وهو ابيض دايما يذكر اني لو كنت افتح شوي مره قال لي بالفم المليان انا لو مثلا ماحبينا بعض وفكرت بالزواج بقول لامي تخطب لي باخذ بيضاء انا ماعلقت ابدا بس تبقى بقلبي جروح مع اني احبه جدا ويحبني :111:
المشاركة الأصلية كتبت بواسطة meshal1
اقتباس :
اسأل الله أن يهدي زوجك ويفتح على قلبه وان يتم علينا وعليكم فضله وامتنانه
اولا : ذكريه بالله سبحانه وتعالى , وقولي له مثل ما تناظر فبنات الناس راح يجي اللي يناظر في حلالك .
ثانيا : استمري على ثقتك بنفسك , ولا تخلين هالشي هذا يأثر فيك .
ثالثا : لا تقصرين عليه بالكلام الحلو , واللبس والتجمل .
رابعا : الصراحه , قولي له إن الشي هذا يجرحني .
جزاك الله خير قلت له انه يجرحني قال تكبرين الموضوع اتي عارفه احبك بس انا صريح
المشاركة الأصلية كتبت بواسطة رزوقي
اقتباس :
1ــ ذكريه بالله وأن فعله هذا خطأ وقد يؤدي إلى أن يدمر العلاقه بينك وبينه (بعد الشر على جميع المتزوجين )
2ــ افع ثقتك بنفسك وأنا متأكد أن لدى كل إنسان سلاح أو ميزة تميزة عن غير وتجذب المحبين له يعنى شوف نقطة ضعف زوجك تجاهك واستخدمها يعني مثلا زوجك يحب الشعر الطويل احرص على أن يكون دائما نظيف مهتمه به ,تحركينه يمين ويسار ....يعني لفة انتباه ....
3ــ( اصنعي له الجو )الذي يحب أن يراه في البنات التي يتسكعن في المولات والأسواق مثل (يوم من الأيام إلبسي جنيز ضيق وبلوزة شيك (يعني ألوان يحبها) ثم ألبسي عباية مخصرة أو مطرز وكعب وحطي هذاك الللثثثثثثثثثثثثمة واستقبليه عند الباب أو في الحوشي اذا كان عندك حوش وقسم بالله لترين شيء يفرحك بإذن الله )
4ــ قاعدة :قبل أن تحاولي اصلاح زوجك جهزي (سلاحك ) لا لا لا لا بل (مفاتنك )
5ــ أقولها وعن تجربه ( إذا الزوج بدى يبصبص وينتنت ويفوسسك) الكلمتين الاخيره ( النت والفيس بوك ) تراه فاقد شيء من حبيبته حتى ولو أظهر خلاف ذالك .....
أسأل الله أن يجمع مابنك وبين زوجك على خير وأن يصرف عن شر سهام ابليس وجميعنا معشر المتزوجين . يارب يارب
طيب ايش اللي فاقده من وجه نظركم بالرجال اذا الزوجه مهتمه بكل شي ويحبها ليش التلميح والتجريح مافيه احد كامل يعني مثلا يبدا يدق ويلمح وشلون يعني تسوي عمليات تجميل محرمه ؟ اذا صدرها صغير يترك كل شي حلو ويبدا يمسك هالعيب ويعيد فيه
والله تعبت احيانا اشوف بنات عاديات اانا احلى وازواجهم ماعمررهم انتقدوا شي فيهم
وانا كرهت نفسي من الانتقادات
شكرا لكم جميعا ياليت اراء اكثر :142: