السلآآم عليـكم ورحمة الله وبركآآته ....


أترككم مع قصيده للشاعر علي السبعان




°ˆ~*¤®§(*§ صعبـه بـجد §*)§®¤*~ˆ°






من ناحية صعبة فهي صعبة بجد
وان جت على حلوه هي اخر حلاوه

فعلا طويله بس ما هي بـهالقد
طول الألف بـاول حـروف الغـلاوه

جمرة حشا مقصوصة مجدل اتعد
شقرا على كـم خصلـة كستنـاوه

اليا اقبلت لي بعضها فـبعضها اشتد
بينه وله لهفة وغيرة وعـداوه

وان جت تلفت طاح ضد على ضد
الين يغشى الليل صبـح النقـاوه

فلجا ثغر .. غنجا حور .. مهملة قد
في عودها اقسى لين والين قساوه

عكفا هدب .. زينة عتب .. زاهبة رد
فيها الهدايه والهدى والهداوه

لاسولفت سمى على انفاسها الند
وكفوفها تمسي النـدى بالنـداوه

فيها غنج ساذج على ملعنة جد
على شوية شيطنـة مـع شقـاوه

من حدة الفتنه خذت فتنة الحد
تطوي فضا الفتنه بفتن الفضـاوه

تستغفل الغفلة تودد ولا تود
تستطيـب الطيبـه لحـد الغبـاوه

تسرق تفاصيل الصدى لاخر الصد
وتماطل ايام الرخا .. بالرخاوه

مدت لوصلي يد واقصتني بيد
لا ذقت وصل ولا شعرت بجفـاوه

راودتها ردت .. ترود .. وترتد
تريد .. تتـردد .. تـردد .. رداوه

ولني ما احب اصلا اثقل على حد
خذت القصير من الحفا والحفاوه

حلوه وتتغلى ولا جات للجد
عادي تغلى مـن لهـا هالحـلاوه