السلام عليكم ورحمة الله وبركاته
كيفكم يا حلوين ؟؟؟
انا اول مره اكتب في هالقسم لكن حبيت الكل يستفيد مثلي وان شاءالله تدعولي بالتوفيق
انا شعري كثير واسود وناعم وثقيل والكل كان يتمنى مثل شعري
لكن انا حبيت اغير من شكلي وصبغت كدا مره ولعبت فيه بكثر القصات
المهم شعري تغير صار جاف ومتقصف وفيه نفشه
استخدمت اغلب انواع الزيوت وماشفت منها فايده تذكر
وطحت لكم بزيت هو اللي بعد الله رجع لي شعري زي اول ولله الحمد بس اهم شي الاستمرار من مرتين الى ثلاث مرات في الاسبوع
(((مكونات الزيت )))
علبه كبيره زيت النارجيل
تروحين للعطار وتاخذين منه هذي الاعشاب ( سابله + ماسكه + ساق حمامه او تسمى رجل حمامه )
وكل هالاعشاب معروفه وابحثي عنها بالنت عشان تطمنين
حطي الزيت بقدر واطحني الاعشاب مع بعض وخوذي من الخليط مقدار كاس او كاس ونص
وحطيه على الزيت وخليه على النار اول ما تحسين انه بدى يغلي طفي النار
وصبي الزيت مع الخليط اللي فيه ببرطمان كبير واتركيه لمدة عشر ايام في مكان جاف بعدها ابدي
باستخدام الزيت وخليه من 3 الى 4 ساعات بشعرك بعدها اغسليه
وراح تشوفين النتيجه من اول اسبوع
حتى اذا جتك مناسبه واستشورتي شعرك ماراح تصدقين وشلون يتحرك بحيويه وثقيل وناعم
بس الله الله بالاستمرار عشان تشوفون النتائج المذهله
بالنسبه لي مستمره ولله الحمد وكل مل خلص الزيت صلحت جديد حتى زوجي منبهر وملاحظ وان شاء الله الكل يستفيد
سلاااااااااااااااااااام ...تقبلوا تحياتي ...:sa7l. (238):