السلام عليكم اولا اخواني واخواتي اتمنى تقرون الي اكتبه حرف حرف وبصدق تشورون علي لاني جد تعبت من التفكير .. انا اولا عمري 30 وسبق لي الزواج وانفصلت عن زوجي الاول بسبب عدم قدرته على الانجاب واتخذت قراري انفصالي بعد ما فقدت مبيض هنا قلت خلاص لازم انفصل لان فرص الحمل قلت وبالفعل تطلقت ..جلست سنه وجا رجل صالح تقدم لي وكان عنده زوجه يعني انا الزوجه الثانيه وعنده اولاد فقلت مافيه مشكله ما دام قادر يعدل ويفتح بيتين ..وبالفعل صارت الملكه وصار الزواج كنا بفتره الملكه طبعا نتناقش في حياتنا المستقبليه من ضمن الاشياء الي اتفقنا عليها انها اول سنه ما نجيب اطفال وانه ما يجي بشكل يومي عندي كل يومين يجي ولكن بعد الزواج زوجي صار كل اسبوع يجي مره او كل 4 او 5 ايام ولما اعاتبه يقول ماعليش بس هالفتره عندي ضغط شغل وما كنت احاكيه حتى باتصالاته كان مقصر وانا كنت اسكت لاني احبه وابيه المصيبه الان انه انا حملت ماعرف كيف حملت مع انه اخذ موانع سبحان الله .. واللي مجنني انه يقول لازم تجهضينه ومصر على هالشي يقول قبل لا تنفخ فيه الروح وان الروح تنفخ بعد 120 يوم وانا طبعا معورني قلبي مابي اخسر لا زوجي ولا ولدي وللاسف لما قلت له ما اقدر انزله واعصي ربي قال اجل ربيه لك لحالك وما اعرف وش قصده بهالكلام تكفون شورو على مع العلم اني سالت مشايخ بالتليفون وحرمو اني اجهضه وهو مصر قولو لي وش اسوي تكفون؟