السلام عليكم ورحمة الله وبركاته .....
هذه بعض من أحاسيسي كتبتها لتكون جسورا بين اشواقي والحنين
عذري اني أحبك وأشوفك في كل مكان ..
ولك صورة , ولك حيرة أقضي فيها ساعاتي ..
تملكني غرامك يا صاحبي وصار فخافقي وجدان ..
صرت لي الملك , والقصر الي أبنيه بخيالاتي ..
وشيدت لك ديرة , خالية مابها سكان ..
وترجيت الوصل منك واشوفك كل علاقاتي ..
بعادك كل هالفترة , صار لي دفتر وعنوان..
بس ظروفك هي ظروفي , وامنياتك امنياتي ..
لاتعتذر!! مافي عذر بين خلان ..
والأيام بتثبت لك شعوري وصدق نياتي ..
(( احاسيسك حقيقية )) مابها جدل أو نكران ..
ومجروحن من الدنيا , تشيل لهموم وتحاتي ..
في سما دنياك , لاني برابح ولا بخسران ..
لاتعتب علي ياصاحبي وإفهم كل آهاتي ..
أغني لــــــــــــــــك, واسولف للهوى عن شوقي الظميان ..
وأحلــــــــــــــف اني حلالك , ولو هو نهاياتي !!!
وأضم طيفك ,والامس قلبك الحيران ..
وأرد (ف)ليل , اشكي حق وساداتي ..
وأحلم بطفلة وطفل , وتحوطني بحنان ..
احلم بك ولو ليـــــــــــلة أعلن فيها نزواتي !!!
تذكرني ..اذا مر الزمن ومات بقلبك الوجدان ..
تذكر اني احبك .. ومحدن سوى (( سواتي ))..
وتذكرني لي مر عليك من التعب وصرت بليلتك سهران ..
وتذكر انك بيوم كنت انقى زلاتي ..
وتذكر اني معشقك .. وصرت بعشقك أنا هيمان ..
ولا انسى .. ولا أقسى .. وأشوفك كل رغباتي ..
بعادك هيض جروحي ..ونثر بوجهي الأحزان ..
وتعب قلبي وهو يناديك ..ولا تحس بمعاناتي !!!
تعال ولملم أيامي .. واستر قلبي العريان ..
تعال ومابقي لي شي ..رجع لي ابتساماتي ...
في حياتي.. احس اني مركب بلا ربان ..
متى بقدر ارمي في هوى دنياك مرساتي ..
وصيتي لازم تفهمها يافلان...
وصيتي بتفهمها حتى وأنا في سكاتي ...
يا تكون في دنيتي .. الشوق .. والعاشق ..وتتعلم على الميزان
او تبتعد عن دروبي .. وهاذي كل وصياتي ..