أبي وردة.. بغصن اخضر تنسيني مدى الأحزان
أبي اجلس أنا وياك وأنسى حظي الجاني
تقول اشتقت لعيونك واقول بشوفتك هيمان
ابى ضحكه من شفاتك واصير بعالم ٍ ثاني
خسارة ضاعت احلامي وطارت با العقول أزمان
جحدني وقتي الظالم ونسوني اكثر أخواني
غريبة عيد ميلادي بدا مع مولد الأحزان
ألا يا ليتني داله عن التاريخ وأزماني
لقيت إثباتي الشخصي قريت بأول العنوان
(بقايا الحزن) هو اسمي صراحه حيل بكّاني
ألا يا ليتني كاهن واقول إن الزمن غلطان
ألا يا ليتني كاهن وأكّذب كل من جاني
خسارة عشت في دنيا كلها أحزان
تفرحني و تجرحني وأنا ساكت على أحزاني
أبي أصرخ أبي اجرح أبي اشكي من الحرمان
وأبي أبكي على عمري ٍ قضيته بس ..وحدانيه
ظروف الوقت هي ضدي وزّود ظلمها الهجران
ألا ياوقت أبي اعرف .. وين الحزن ودّاني
تخاوينا انا والحزن ..أنا المركب وهو القبطان
أبي اطلع من الميناء .. صعبه دون قبطاني
أنا أصبحت مثل اللي ترك حاجه وهو ندمان
رجع نادم بيأخذها .. وخذها واحد ثاني
تخّيل كسرة الخاطر .. ألا عيشة الحرمان
كذا حالي عقب فرقاك... ألا ياكيف تنساني؟
أنا حظي مثل حالي .. مريض ودايم تعبان
وحيد ((بديرة الغربه)) ألا ياوين خلاني
أنا توي صغيره السن ولكن شفت الي خلاني
أموت من القهر والضيم ومافي شخص واساني
غريبه عيد ميلادي نسى إن اسمي ((بقايا احزان))
تركني بعالم ٍ مجهول ارّدد :
][ ليتني فاني ][