كل ماتصير عزومة عند اهلي او اهل زوجي طلبو مني اسوي لهم (يلنجي)
احيانا احس انهم عازميني عشان اسوي لهم اليلنجي بس :rotate1:
طريقتي مميزة للسبب اللي باذكره لكم الحين
مثل مانتم عارفين ان اصل الطبخه هذي يرجع لسكان البحر الابيض المتوسط يعني الشام وتركيا
وبعد كذا انتشرت بمعظم الدول العربية بالخليج ومصر وغيرهم وكل بلد ادخل بالطبخه اضافات وتعديلات علشان تناسب ذوقهم
مثلا بتركيا والشام مايضيفو لها بهارات كثيرة
اما بالخليج يضيفون لها كزبرة وبهارات متنوعه من كركم وفي ناس يحطو كاري وكل واحد حسب ذوقه وتعوده على مذاق معين
انا اختكم تركية ومتعلمة اصول الطبخ التركي من امي الله يحفظها وزوجي سعودي وتعلمت اصول الطبخ السعودي من امه الله يحفظها
وصرت اعمل مكس بطبخاتي اخذ من المطبخ التركي شوي وشوي من الخليجي وتطلع النتيجة روووعة وتبهر الطرفين اللي هم اهلي (الاتراك) واهل زوجي (السعوديين)
طريقتي بورق العنب خالطه بين الطريقة الاصلية اللي تعلمتها من امي وبين الطريقة اللي اخذتها من ام زوجي
بسم الله نبدأ ...
المقادير:
نصف فنجان شاهي زيت زيتون
بصله كبيره مفرومة فرم ناعم
كاس رز مصري مغسول ومصفى
.....
حمسي البصل بزيت الزيتون حتى يذبل ثم اضيفي الرز وقلبيهم لدقيقتين
بعد ذلك اضيفي للقدر المقادير التاليه:
مكعب واحد ماجي
ملعقة طعام دبس رمان
عصير ليمونه
ملح + فلفل اسود (لاتكثرين الملح لأن الماجي مملح)
ملعقة طعام نعناع مجفف
نصف ملعقة طعام كلا من (قرفة مطحونه+كزبرة ناشفة+سماق)
كاس ماء ساخن 3 ملاعق طعام زبيب حجم صغير ....
اضيفي المقادير السابقه وغطي القدر وخليه على نار هادئة لمدة 10 دقائق او حتى يجف الماء.
.... بكذا نكون جهزنا الحشوة ....
نجي للبصل ..
اولا نقشر البصله ونغسلها ونقطعها للنصف فقط مثل كذا
يعني مانقسمها بالكامل
وبعدين نحطها بكيس نايلون ونربطه ونحطه بالفريزر نصف ساعة تقريبا وبعدها نطلع البصلة ونسلقها تقريبا 10 دقائق
وبعدين نفك كل طبقة عن الثانية بالشكل هذا
واذا في ورقه حجمها كبير نقسمها من النص
نجي لطريقة لفها ..
نضع الحشوة بطرف الورقة ونلفها
...نجي لورق العنب...
امي مايعجبها ورق العنب اللي بالبرطمانات تبع قودي والعلالي تقول الورقة متينه وفيها عروق لأنها هي تجيب ورق عنب طااازه من تركيا وتجي مره رقيقة
بس انا توصلت لحل للموضوع .. جبت ورق عنب واحسن نووووع (يرغات) واطلعه من البرطمان واسلقه لمدة عشر دقائق وبعدين احطه بالفريزر لحد ما يتجمد واطلعه وقت اللزوم واحطه بزبدية واصب عليه موية ساااخنه الين ما يفل الثلج واصفيه بالمصفايه وبعدين احشيه والفه لف زي ماكلنا عارفينه
الطريقة هذي تخلي الورق ناااعم ورقيييق وعروقه خفيفه