قد تكون فكرة غير محببة عند البعض ...خصوصا أن صالونات الحلاقة الرجالية ماليه الدنيا ...و في كل مكان ...صايرة..
لكن بالتاكيد لو أنكِ فتحتي صالون حلاقه مرة بالشهر لزوجك ...بالمجان ..و قدمتي فيه الرفاهية و الدلال لزوجك ...بيكون زبون دائم ..عندك
أنا طبعا أقصد طريقة العناية الشهريه...لزوجك ...يستاهل الدلال ...
اكيد بيفضل اليدين الناعمه عن يدين الحلاق...
أحلى شئ روحي للسوق و تبضعي مستحضرات خاصة للعنايه ببشرة زوجك و أدوات خاصة للحلاقه ...و فاجئيه بشراء كريمات خاصة اللي تكون بالعطر المفضل لديه...
و سترين النتيجه....بعد كل هذا الاهتمام...والدلال..
جهزي مكان حلو و مرتب و إذا كان حمامك واسع فهو الأفضل
خلي الأضاءه هادية وحطي شموع لأن الرجال بيكون تعبان واعصابه مشدوده من الشغل
و العيال جهزي كل الأدوات والمناشف
و صدقيني بتكون فرصة للعناية ببشرته و دلعه بنفس الوقت...و بيدمن عليك زوجك ...و بيرفض يروح لأي حلاق...بعد اليوم...
المهم جهزي له القعده مثل ما تحبين
و لا تنسين تحطين وعاء فيه ماء ورد و قطع ثلج و أضيفي الورد الجوري
ارفعي شعره بالـ head band
بعدها سوي له بخار للوجه
و بعدها استخدمي له المقشر
مديه على كامل الوجه و سوي له تدليك على وجهه بحركات دائرية و ركزي على منطقة الجبهة و الأنف و الذقن و قريب الأذن
و انتبهي لو كان شعر ذقنه طالع راح تتعبين معاه و إنتي تسوين المقشر و تفركينه بطريقة عكسية لأنها تجرح الوجه بس حاولي تسوينها بخفه و نعومه
تذكرين الوعاء اللي قلت لك تجهزين فيه ماء ورد و قطع ثلج و ورد جوري
خذي هذه الأسفنجه أو الليفه المخصصة للوجه
نقعيها بالوعاء وابتدي امسحي المقشر عن وجهه
بعدها حطي الماسك اللي يناسب نوعية وجهه
و اتركيه 10 دقايق أو حسب مدة الماسك
في هذي الفتره ممكن تسوين له مساج لكتفينه
حطي بكفيك زيت للمساج و امسحي على كتفينه
أو على حسب الريحة اللي يفضلها والأفضل اللافندر لأنه يهدي الأعصاب
و الأفضل تدلكينه بيدك
و لا تنسين تحطين له
قناع العين المجمد عشان يريحه
بعد ما تخلصين
امسحي الماسك و حطي له مرطب للوجه
لا تنسين منطقة العين و الشفايف هم تحتاج لعناية
قشري الشفايف بمقشر ناعم مخصص للشفايف و بعدين رطبيها
و للعين استخدمي مرطب خاص لهذه المنطقة من الوجه
و إنتي براحتك لو تحبين يكون مضاد للتجاعيد أو مريح للأعصاب أو علاج للهالت السوداء
و آخر خطوة استخدمي تونر للبشرة
أما إذا كانت لديك جرآة كافية للحلاقة لزوجك ...فستكون تجربة جميلة لك و له
و ممكن تنتهزين الفرصه و تبدين لزوجك استعدادك للأهتمام فيه و تدلعينه
قبل الحلاقه لا تنسي ان تحطي كريم خاص بالحلاقه
بعدين جيبي أمواس حلاقة مثلا جيليييت ممتازه ..و بعد الحلاقة
لا تنسين الـ after shave
و الأحلى لو كان نفس ريحة عطره
منقوووووول للفائدة