من روائع الشاعر( محمد بن ساقان )
على طاري الكلام العذب ياعمري وش اخبـارك
................................وش اخبار الغرام اللي سكن في داخل اعيونـك
وعلى طاري صباح الورد من نسمات ازهـارك
.....................................صباح الياسمينه.. ياعبير الـورد.. يـا لونـك
أنام بحضنك الدافي.. واعيش بعالـم اشعـارك
..............................يصحيني غلاك العذب.. وامسي بدافي شجونـك
حبيبي.. ياحبيبي.. كل هالدنيـا.. لـي تبـارك
.....................................تبارك والله لقلبـي.. لانـي صـرت مفتونـك
انا بختااااار قلبك.....تدري آنا بكلـك اختـارك
.................................عيونك..مبسمك ..طول ك..وليلٍ ظافـي متونـك
بقى صوتك مع همسك.. وهـذا قمـة ابهـارك
.................................يغار السمع من همسك..اجل لا تلوم مضنونـك
اذوب.. ان جابك الطاري.. وأهيم بعالم ابحارك
..............................انا الغرقان في حبك.. ومرسي حبـي اجفونـك
على هونك على قلبي.. ترى ما اقوى تبختـارك
.................................دخيلك لا تضيعني.. ترفق بـي علـى هونـك
اروح..ابعد..اسافر..ياحبيبـي وارجـع لـدارك
.................................تخيل ودي اخونك.. وقلبـي يرفـض يخونـك
وتخيل تخطي بحقي.. وأنا ارفض ما بي اعذارك
.................................لانك كل ما تخطي..ازيـدك عشـق واصونـك