مرحبا ا خواتي كيفكم رمضان كريم انا سويت تلقيح صناعى بشهر6 وبشهر7 جتنى الدوره ابي اعرف ايش سبب فشلها وايش الفرق بين التلقيح والحقن المجهري جزاكم الله خير دعواتكم لي قبل رمضان اطلع حامل
شووفي وتأكدي انه مقدر ومكتوب ... وكلهاا ارزاق من رب العزه والجلاله
يعني لاتتأثر نفسيتك بفشل المحاولتين ....
من ناحيه الفرق بين المجهري والتلقيح الصناعي
فرق كبير
التلقيح هو عباره عن سحب عينه من الزوج وتجهيز الزوجه بالمحفزات للمبيض وحقنهااا عن طريق انبوب للرحم .... << سهله ومافيهاا الام وماتحتاج تنويم
والمجهري لالالالا
تجهيز الزوجه بمده من المحفزات والابر التحضريه ووقت التبويض يتم سحب البويضات وتجميدهااا << عن طريق عمليه بتخدير عام للزوجه في المستشفى
وبعدين سحب عينه من الزوج وحقنها داخل انبوب للبويضه ويتم التلقيح خارج جسم الزوجه وبعد التأكد من التلقيح يتم ارجاعهااا للزوجه عن طريق انبوب للمهبل او عن طريق منظار من السره
وكل دكتور له طريقه
طبعا الفرق بينهم الاول اللي هو التلقيح الصناعي .. مثله مثل الجماع بس ممكن من الجماع والقذف داخل الرحم مااااتوصل الحيوانات للبويضه بسرعه وتاخذ وقت وتموت وهي ماوصلت والتلقيح يسهل على الحيوانات واختصار الوقت والقوه
نسبه نجاحهااااا مووش عاليه من التجربه الاولى والثانيه
بس ممكن مع التكرار ممكن يحدث حمل
واما الحقن المجهري اللي هو اطفال انابيب .. نسبه نجاحه عاليه وممتازه وممكن يتم التلقيح بأكثر من بويضه ويصير حمل توائم ...
وكمان اختيار جنس الجنين ... يعني احلى واحسن
بس اغلى بالسعر
يوصل سعر العمليه الى 20 الف ريال مع الابر والادويه
بس انا سمعت اذا فشلت العلميه يتم ارجاع من المبلغ المدفوع تقريبا النص
بس مثل ماقلت لك لا تقولين وش السبب في فشلها
لانه النجاح ولا الفشل بيد الله سبحانو وتعالى
اتمنى اني اكون فهمتك زين
وربي يكتب لك الذريه الصالحه
تحياتي /
ام نواف
توقيع
يارب اهدني ثم اهدني ثم اهدني ثم خذني اليك روحا طاهره