يسعد أيامكم
البارح كنت جالسه مع الاهل نتشاور ونتداور على بعض البنات المرشحات لاخوي كزوجه ومن ضمن المرشحات بنوته جنان ومن عايلة محترمه وحبوبه وأخلاقه مره طيبه نعرفها من بعيد لبعيد سقط اسم هالبنت من فم اختي وسبب مالا تحمد عقباه من الصراخ والتهزيء والوالده زعلت والوالد قال كم كلمه تهز البدن و ... و.... و....
المهم انو السبب وراء كل هالتعصيب انها
( مطلقــــــــــــــــــــه ) مع اننا نعرف انو سبب طلاقها ان زوجها طلع مدمن
لما أنتهى النقاش الحاد طبعا" من غير رد مني لاني أحترمت وجهة نظر شيباني لو اني مو مقتنعه فيها ابدا" ابد" ابدا"
بس لما جلست مع نفسي جاء فبالي أسئله كثيره تمنيت لو اني مأخذه أجابتها منهم
يعني لو انها انا اللي فمكان البنت وش راح تكون ردة فعلهم ؟؟؟؟؟؟
ليش دايم المطلقه تركب الذنب بنسبة 99,99% حتى لو كان سبب طلاقها عيب خلقي او اخلاقي فالشخص اللي راح تكمل باقي حياتها معاه ......
ليش المطلق يلقى الف بنت تتمناه والمطلقه حتى الشياب والارامل يترددون الف مره قبل الارتباط به ...............
وربي هالموضوع اثارني رغم اني ماعشته بس احس ان الحكم فيه ظالم مره ،،،،،،،،،،،،،،،،،،،،،،،،،،،،،،،،،،،،