يا ويل من قـــــــــــام من نومه ولا سمّى=لا مر ، من يًمّه اللي مر من يمـــــــــــي
اقرا عليها ( الفلق ) واكمل ( جزء عمّا )=وإذا ختمت القرايه أرجع أســـــــــــمّي
أخيراً أفلحت يا حظٍ ما يتســـــــــــــمّى=باللثمة اللي تنســـــــــــيني حليب أمي
مع أن ما الله عطانـــــــــــي حبهـــــا الجمّا=لا جات هذي المواقـــــــف قلت ( يا عمي )
بـــــــــس ذي لا هي بـ لانوره ... ولا شمّا=ولا هـــي بـ ديمـــــــــــــه ولا تالا ولا ممّي
فتنةٍ على الارض تمشــــــــــي جعلها الحمّى=كنها اتعشّـــــــــــا لَحَمي ، وتحلّي بدمــــــي
هي كانـــــت مشــــــــــــــككه واتأكــدت لمّا=شـــــــافت اسـم عيلتي بلوحات ( بي امي )
( الموتر ) اللي اخبره ذيــــــــــب لا حمّى=بس بعض الاحيـــــــــــــان ما يمديني احمّي
اســـــــــرع واغنّي ( لقد اسقيتني سُمّا )=واتخيّل انها تنــــــــــادي ( التفت لمّي )
احســـــــــــــها تقول : اعطيني بعض مما=لديك يا كبر طموحاتـــــــــــــي ويا همّي
واذا بغيـــــــــــــت اتكلّم عندها إما=الســـــــــــــاني يذوب والا ينربط فمي
للشاعر نواف الدبل