السلام عليكم ورحمة الله..
اول موضوع لي بالحقيقه في المنتدى لكن انا من المترددين على المنتدى ومن قرائه
بادخل في الموضوع على طول واتمنى القى حل
اول شئ انا متاكده اني غلكة لاني عودة زوجي على هالشي وابيكم تساعدوني
انا متزوجه لي سنة ونص وعندي بنوته توها ام 3 شهور
بداية مشكلتي انا زوجي موظف في منطقه تبعد عنا 130ك يوميا يروح 130 ويجي 130 لاتقولون روحي معه لانه يداوم في منطقه عالساحل ومافيها الا سكن للعزاب يعني مافيه مجال
المهم ان زوجي يصحى الساعه 4 ونص ويطلع للدوام ويرجع 3 ونص العصر يتغدى وينام ولا اشوفه الا الصباح اذا صحيته
هذي مشكلتي الاولى
الثانيه اني انا اجتماعيه وزوجي بيتوتي جداااا حتى الى درجه مايتصل على اهله ولا يتطمن وعادي يعيش انا مااقدر اذا امي مااتصلت او تاخر اتصالها لازوم اتصل
وبعدين اطفش في البيت اتصل على اخواني يجون ياخذوني ويرجعوني فتعود زوجي على هالشي اني اخلي اخواني يودوني ويجيبوني
الحين مايفضى الا خميس وجمعه ومن اقوله ابي اروح او ودني يقول لا انا عجزان وبعدين خميس وجمعه هذي راحتي
طيب وانا متى اقدر اشوفك متى اقدر احس اني متزوجه وصرت اطلع واجي مع زوجي
انا متزوجه بالاسم فقط
مااشوفه ولا اسولف معه الا بالناااادر
كرهت حياتي المشكله ان زوجي اذا فضى القاه مقابل البلاي ستشن او النت انا مالي اي شي ومن اتكلم معه صرخ بوجهي خلاني اكره كل شئ
قولوا لي وش الحل تكفوووون
على فكره ترا من عمره 18 وهو عايش بعيد عن اهله بالسكن العزاب وحاليا الحين عمره 34 اكبر مني 8 سنوات
بس تعبت وربي ولا ادري وش الحل