العيون النجل
الجـــادل ام العــيون الناعسات النجــل
ياويلــي مـــن الله اوعـدها ولا اوفيتــها
اجي شمـال الرياض وكل ماجي عـجل
اقـــول بمــرها وارجــع مامـــريتهــا
اخطيت في حقها واصبحت منها خجل
لـو اطمـــع بعــذر يرضيها ترضيتهــا
معـاد عندي عذر لاقلت قـالت دجــــل
يـاليت فرصـــة مـجـيك ماتحــريتــها
كم مرة دمعها مـن ناظريهـا دجـل
من كثر ماقلـت ابجيهـا ولاجيتهـا
حـــج البقر مرتين وطال قرن العـجل
وانـــــا ماجيت الهنوف ولاتنـاســـيتها
ما اقفيت عنها ولاعنها قصرت الرجل
اتعــبت الاقــــدام لكـــن ماتحــليتهــا
ماني بهايب لاجيها ومامـــنعني وجــل
لارحت ماعود لين اقف على بيتهـــا
لكن نذرٍ على رقبتي وكــــلمة رجـل
كلمة رجل يعني ليا اعطيتها اعطيتها
اني لاجيها لاجيت الا ان جانا الاجل
وان كـان ماجيتها تبكي على مـيتهــا
م/ن