في غيبتك .. تشابهت .. كل الازوال
وتخالفت .. بين الحنايا .. طعوني
وتغير اسمي .. كنت .. عاشق وميال
واليوم مدري وش يعقل جنوني
الشوق ماخلىّ حكي.. فيك ينقال
عليك اغمض .. عن عيوني .. جفوني
تقبل هواجيسي .. بك .. خفاف وثقال
وترحل مع كل المشارق عيوني
امرّهم .. رحال .. واروح رحال
تصغر ملامحهم .. وتبعد ظنوني
اسمع سوالفهم .. وانا شارد البال
ماقلت فيني شي .... ولا نشدوني
بعيد عنّك .. حال .. يصعب على الحال
لاغابت عيوني ... وصوتي .. ولوني
انا بدونك ... لاملامح ... ولاظلال
انا بدونك .... يعني ... انا .. بدوني