سلام ..
أنا عضوة جديدة معاكم وحبيت أعرض لكم مشكلتي لأني أبي حل للموضوع
بقول لكم المشكلة كلها وبصراحة ..
أنا متزوجة صار لي ست سنين وعندي بنتين الله يخليهم لي يارب
المشكلة أني أكتشفت أن زوجي يعرف بنات ويكلمهم في تلفون البيت وفي الجوال وحتى على النت
( الماسنجر ) وضبطه أكثر من مرة ودائماً يقول لي أنا ما أكلم وأنتِ غلطانة وأنتِ وأنتِ ..
رغم أني متأكدة من هذا الشيء لأني مرة كنت نايمة وجلست من النوم حتى أروح الحمام وأنتو بكرامة
وكانت الساعة تقريباً وحدة ونص وسمعته جالس يكلم وحدة ويغازلها هو طبعاً أنكر هذا الشيء
وفي مرة بعد لقيت في جواله مسجات حب وغزل وقال لي من عند صاحبه وأن طبعه كذا بس أنا ماصدقت
فأخذت الرقم بدون ما يدري وأتصلت وردت علي بنت وكلمتني بكل وقاحة وكمان في مرة شفت أيميله ولقيته كله بنات يعني البنات اكثر من الشباب .. وقتها انقهرت عن جد وما عرفت شسوي والمشكلة
بعد أنه دايماً يقول لي أنت ما تعرفي تلبسي وأنت ما تعرفي اللي أبيه منك وبناتك ما يخلوني أنبسط معاكِ اللي يسمعه يقول أني أنا جبتهم لحالي .. وأحياناً بس يجي من برى يهزئني حتى لو ما سويت شي يزعل
لكن هو من طبعه الزعل لأنه دايماً يزعل على أقل الأشياء ومن كثر المشاكل صار الوضع ما يتحمل ولا ني قادرة عليه ومع كل اللي يصير أحس أني خلاص ما أحبه وما أحس بأي شيء تجاهه .. حتى هو أحسه مايحبني بعد رغم أنه صار عادي بالنسبة لي يحبني او لا ما تفرق عندي بعد اليوم ..
أحياناً أحس أني مذنبه لأن شعوري تغير بس أي أسوي هو السبب .. هو اللي خلاني كذا لأني خلاص ما أثق فيه بعد ..
فـ أيش تنصحوني أسوي ..
أرجوا أنكم تردوا علي بسرعة ..