سمبوسه الخبز
الحشوة
نفس حشوة السبرنغ رول أو جبن شيدر أو أي حشوة مرغوبه
الطريقة
نرق الخبزه ونحطها بالقطاعه ونحشيها ونصك عليها بالقطاعه ونقمسها
بالبيض ثم البقسماط
الصور تتحدث
سمبوسة لحم
مقادير الحشوة
لحم مفروم بصل وبقدونس وفلفل اسود وملح وقليل من النعناع الجاف
سمبوسة جبن الكيري الصغيرة
عجينة السمبوسه قسمتها نصفين بالطول
وحشيتها جبن كيري
أحشوها بأي نوع من الحشو المفضل عندكم
كفتة الدجاج بالبطاطس
نسلق البطاطس ونهرسه نسلق الدجاج ونتفها فليفله باردة
نكشن بصل ونضيف عليه الدجاج والفليفله والثوم والبهارات والملح ممكن نضيف الكزبرة المفرومه
أنا ماعندي حطيت كرفس نضيف الحمسه على البطاطس المهروس ونضيف شوية نشا ونخلط لغاية ماتتماسك
نشكلها ونغمسها بالبيض والبقسماط
شوفوا الصور
الصور مو واضحها كنت مصورتها من الجوال
عشان سلك الكاميرا اللي يشحنها وينقل الصور للكمبيوتر ضاع
.
جباب الروبيان
نفرم البصل ونحطه بقدر على النار وكل ماينشف مايته ويصير لون قاع القدر أحمر نرش شوية ماي ونحرك البصل الى ان ياخذ لون أحمر ونصب عليه الزيت
نضيف البهارات مثل الدارسين والهيل والكمون والبزار والليمون الاسود والملح والكركم والكزبرة الناشفه
طبعا الكل ناعم
ونقلب البصل بالبهارات ونضيف نخي العيش
نضع الروبيان والبصل والثوم والكزبرة أو الكرفس بالمفرمه ونفرمهم مع بعض
نشيل الحشو من القدر ونحط بالقدر الروبيان المفروم عشان نعجن فيها الجباب وتاخذ ريحة البصل نضيف نفس البهارات
اللي اضفناها للحشو
ونضيف عليه قليل من الماي
ونخلط المكونات كلها مع بعض
نضيف الطحين البر شوي شوي لغاية ماتتماسك العجينه شوفوا الصور
نقطعها دوائر ونحشيها
نصفهم بصينيه وندخلهم بالفريزر لغايه ماتجمد
نطلعها من الفريزر ونكيسها وندخلها الفريزر مرة ثانيه
أنا سويت منها يوم السبت وصورت لكم منها صحين
اكيد بتقولون اشلون سويتيها
قبل لاأقول لكم بقيت اقول ان الجباب في ناس تسويه بطحين العيش ( الرز) يصير يابس
بس بالطحين بتكون لينه ولذيذة
تسون مرقة عاديه من غير ايدام وبعد ماتطبخ سقطي فيها الجباب وتركيها لغاية ماتستوي
كفتة الدجاج بالجبن والبقدونس
هذي سلمكم الله بومحمد يقول لو ماتسوين لنا شي مومهم بس الكفته لازم تسوينها هي وسمبوسه اللحم وكبة اللحم بالبرغل
مقادير وطريقة الكبه مع بعض
نسلق الدجاج ونحطة بالفرامه ونضيف عليه جبن شيدر وصرة بقدونس ونفرهمهم مع بعض
نطلعها من الفرامه ونضيف عليها الفلفل الاسود والملح والجبن السائل
نكورها ونقمسها بالبيض والبقسماط ونصفها بصينيه وندخلها الفريزر لغاية ماتجمد وبعدين نكيسها وندخلها الفريزر مرة ثانيه
الله يبلغنا وياكم شهر الخير واحنا بصحه وعافيه ويجعلنا فيه من المعتوقين من النار يارب
الله يحفظكم ويرعاكم
أخوكم/فيصل الروقي