يا غايتي و القلـــب ضامـي و شفقان
و الحزن في تقسيمة الوجــه مفضوح
تعبت أدور لي ,, وطـن بين الأوطان
و أنا الغريب اللي بنا لـ حزنـه صروح
من قلتها , حان السفر و الشقا حان
و انا على فــراش المعـانات مـطروح
ما خنـت ,, لكــنّ القـدر بيــننا خان
و الهم عيــا يتــرك القــلب و يرووح
شفني مـن غيابــك حبيبـي إلى الآن
و احس صدري مــن عنا بعدك يفوح
ضايــق ومتعومس و مرهق و تعبان
منفي من الأحلام , مجــروح , مذبوح
و الليـا تذكـرت اللـــذي بيـننا كان
ايامنا اللـي كلها ,, ضحــك و مزوح
و الفرحـة اللـي ما تقــدر بالأثمان
و الذكـريات اللـي كتبنا عــلى اللوح
تخنقني العـبرة علــى حـد الأجـفان
و اقول يا دمعي ليا طحت ,,, مسموح
( مو مشكلة دمعات عيني و الأحزان
المشكلـة لا صـرت ما أقـدر ابـوح )
يا غآيتي ,, لو كان لضلوعـــي لسان
قالت : تعال ارجــوك يكفينــي جـروح
قالت : تعال ارجــوك يكفينــي جـروح