حنّا " تشكلنا " مـع الوقـت .. غيّـاب
................. و في ليلة " التلويح " .. نوت اللحن نُوح
للبُعُد ( خطواتك ) .. و أنا بين الأجنـاب
................. أنضم مواساتك .. و هي نازف جـروح
أحاول أجبرها .. على غيـر الإسهـاب
................. و أمرر المعنـى .. ولا أكـون مفضـوح !
و أتْعَب من الحاله .. إذا كنـت مرتـاب
................. في زحمة إحساسك تمـاري .. ولا تبـوح
لكن بصدري يفرج الصمت عن / غـاب
................. و الصوت بغيابه " حمامه " .. و فـي دوح
غنت على روحي " أغاني " / من عتـاب
................. و أشوفها " دمعه " و في عيـن مجـروح !
تتشكل النظره .. بلمحـه .. و تنسـاب
................. على لحن .. قو المشاعر .. لهـا بـوح !
يا سيّد الأحباب .. مع كـل الأسبـاب
................. هذي وصية " خافقي ".. قبل لا تروح :
قبل الغياب .. (أرجوك ) .. لا تَقْفِل الباب
................. خل الأمل بابه .. على ( إنسان ) مفتـوح
و .. لا تظن بغيابك / أنا فاقد ،، أحباب
................. و الله أنا .. في " غيبتك " .. فاقد الــ روح !