السلام عليكم ورحمة الله وبركاته
كيفكم عساكم بخيــــــــــــر ....
هذي اول مشاركه لي في المنتدى واتمنى الاقي منكم الحلول لمشكلتي او لمشاكلي اللي ما راح تنتهي من زوجي
اللي مو شايفني شي ابدا .. ولا مقدر لي اي شي اسويه عشان يرضى .. ومع هذا دائما ينتقدني في اتفه شي ..
يا ناس تخيلوا .. انا والله مو امدح نفسي لكن يشهد الله اني جميله جدا جدا .. وطــيبه وحبوبه وانسانه متفائله جدا
ومرحه .. وتفكيري اكبر مني ب50 سنه .. عمري 22 وشهور لكن اسوي كل شي للمستقبل ابغى ابني بيت ابغى تكون
عندنا السيارات .. ابغى أأمن اولادي وبناتي .. ابغى أأمن مستقبلهم احسن المدارس والجامعات .. وكل تفكيري رايح
في زوجي ابغى اسوي كل شي يرضيه وبامكانياته .. انا مو متعوده عالحرمان .. وكنت مبسوطه وكنت البس واروح
واجي
بس بمجرد ما تزوجت حطيت ايدي بايد زوجي اللي خلاني اتحطم واندم على كل لحظه وكل حرص واهتمام مني
عشان ارضيه واخطط لمستقبلنا ..
قبل يومين زعل مني لانه فيه مشكله عند اهلي وشغلت بالي .. واثناء ما كنت اطبخ الغداء و زاد الملح .. وماكنت
منتبهه .. ويعلم الله اني ما احب طبخ المطاعم واني فنانه في طبخي وفي شغلي .. ومو مدح بس بشهادة الكل
.. لكن جل من لا يسهو .. سبحان الله كنت في امس الحاجه لزوجي لكن .. الله يهديه قلب الدنيا كلها فوق راسي
عشان ايش ملح زايد عالغداء ..
وانا كنت ابكي من كلامه عالغداء ناظرت فيه بنظره وانا افكر اقول بدال ما يوقف معايه يسوي كذا .. وهو جاء على باله
اني استحقره ..
ومع هذا رحت وبكيت عنده وقلت له انا اسفه وحقك عليه وسلمت على راسه وايده .. وقلت انا اســـــــــــــفه ..
والله انه شالها بخاطره ولا اعطاني وجه ولا يكلمني ولا حتى يناظر فينيلو بنظره كاني مو موجوووده معاه ..
يوم الزعله قعد من النوم وطلع وجاء سويت له عشاء وراح وخلاااه .. وراح ينام ..
اليوم الثاني قام الصباح وراح الدوام رجع من الدوام تغداى وحط راسه ونام ولا كلمه معايه ..
قعد من النوم .. طلع .. رجع على 1 ونااام ..
خليته براحته وما قلت له شي .. الــــــــــــــــــــيوم ... يقولي انتي ما تفهمين .. اقولك الملح زايد تناظرني
باستحقار .. ولا اجي اكلمه وتنافخ ....والله اني ما تكلمت معاه وقت الغداء ..ويقول انتي تتشرطين .. يا نا س شارين
شغله ب3000 ريال .. يقول انتي تقولين ابغاها كذا وكذا .. قلت طيب انت دافع عليها 3000 يعني شويه ..
يقولي انتي ما سويت لي شي .. وما تبغين تسوين شي .. واذا قلت لك تسوين فيها انا ..
انتي على ايش شايفه نفسك .. وايش الشي اللي سويتيه ومره تعبتي عشانه ..
ياناس انا صابره معاه على كل شي ما اخذت لنفسي غرشه عطر ما عندي .. ما عندي ملابس .. ما عندي في بوكي
شي .. انا مو متعوده على هذا الوضع .. ومع هذا ماشيه معاه ..وفي الاخير يقولي انتي تستاهلين ..
قلت له من الشهر الجاي مصروفي يجيني .. ونزله للسوق .. والبيت مو شغلي .. وشغاله كل شهر تجي تنظف البيت ..
وغداك باسوي كبسه وايدام بس .. ما راح اسوي اي شي من اللي كنت اسويه اول .. لا مشاوي ولا صواني .. ولا اكلات
هنديه ولا اكلات صينيه ولا شي ..
قال حطي في بالك التقصير اللي انتي بتقصرين فيه .. انا راح اقصر معاك ..
ياناس مو عارفه كيف اعامله .. تخيلوا يقولي اللي ينام معاك ينهد حيله ..تجيبين له حاله نفسيه وجسديه ..
يجيني صداع منك .. واذا كان موجود في اللحظه لو تشوفون كيف طاير وما ا يبغى يقوم ..
وقلت ماراح اخليه ينام معايه .. وصرت اخليه لما ينام اروح انام وفعلا كنت اجي الغرفه وهو ناااااااايم ..
واخليه يروح الدوام بدون وداع .. بس جاء الصباح اليوم ومسكني بالغصب وقرب مني .. وصار اللي صار ..
بالــــــــــغصب ومو برضايه .. واناابكي كمان .. ولامهتم .. اقول ليش تسوي كذا يقولي احبك ..
قلت انت ما تبغى مو تتعب من هذا الشي .. قال ايه بس احبك ..
وانتي تحبيني ما رديت عليه .. قام من فوق السرير وضربني على ايدي معصب ..وراح دوامه ..
بصراحه نفسيتي تعبت منه كثير .. وخاصه كلامه وانتقاداته .. ونظرته واستحقاره لي ..
ومع هذا مو قادره استغني عنه واحبه ...
اسفه طولت بس والله ما فيه مكان اتكلم فيه الا هنا ..................