ما عاد تهمني لا دراسه وشهادات
ارتويت من العلم غايت(ن) تكفيني
جا وقت اللي ادرسك الحب عبارات
واسلمك شهادة العشق بيديني
يالغلا لا تقول هالشي يبيله خبرات
ترى الحب احساس يزيد بسنيني
ما يحتاج لا تقليد ولا حل معادلات
وما هو بقصة حبيتج يلا حبيني
الحب اني اتنفسك لين الممات
وما اضمى ومشاعرك اللي تغذيني
انسى عمري والقاني بقلبك نبضات
احس بك كلي وتجري في شراييني
الحب شعور ما توصفه الكلمات
واوراق الحب يوم اطويها ما تطويني
اشتاق لك واذكرك في كل الممرات
وحتى بوجودك تلاقيه زايد حنيني
تدري لو كل القلوب يصيرن قاسيات
قلبي تلاقيه رهيف ويزيد بالليني
ما اغفي عن حبك لو عيوني ناعسات
زيد جرعة حنانك وخلني لك ما ابيني! .