أيامنا كنا نستمتع بحلقات جريندايزر و دايزر و كوجي و هيتارو و الحين عيالنا قاموا يتابعون بوكيمون
أيامنا شحلاتها بالقهوة العربية و الحين عيالنا صاروا عيال موكا
آباءنا و أجدادنا كانوا يستمتعون بنامليت بوتيله و الحين عيالنا صارو عيال ماونتن ديو !!
أيامنا لي قالوا مسوين مموش يصير كفخ على الاكل ما تدري منو طقاق القنجه
والحين صاروا عيالنا عيال لازانيا و شوكة "أبي اللي يتفلسفون و ياكلون العيش بالشوكه شلووون ياكلون !!!"
ويبطون جبدك يقولون ما نعرف مادري أمه أنجلينا جولي و أبوه براد بيت!!
أيامنا إنتدازز على الارنب الجائع و منو يخاذ أشرطة مصارعين و إنتبادلهم بالمدرسة و الحن عيالنا صارو عيال ماكدونالدز و ماك رويال مع مايونيز
قبل شحلات يمعتنا على الحليب مع زعفران أو شاي مخدر مزاج و الحين عيالنا كل واحد حاط له ماي وغوري كهربا!!
أيامنا نلصق بأهالينا و أجدادنا و نقعد يمهم نسمع معاهم رادو "مو راديو لا رادو" و شحلات أغانيه و أخبار مونتكارلو و الحين عيالنا صارو عيال آيبود
![](http://bl127w.blu127.mail.live.com/mail/SafeRedirect.aspx?hm__tg=http://65.55.172.71/att/GetAttachment.aspx&hm__qs=file%3d68f8af99-e95d-4cd4-add7-4ebf25e3afff.jpg%26ct%3daW1hZ2UvanBlZw_3d_3d%26name%3daW1hZ2UwMDcuanBn%26inline%3d1%26rfc%3d0%26empty%3dFalse%26imgsrc%3dcid%253aimage007.jpg%254001CAB535.07A74FA0&oneredir=1&ip=10.4.4.8&d=d1128&mf=0&a=01_5afa6af205e5171e4b6a167863ea50213e39eb0e654928bd9ac8cff074fd74fe)
قبل إنترزز يم أهالينا واهمه قاعدين بالحوش كل واحد فيهم مجابل اللاسلكي "القدو" و ياكلون حب شمسي و القشر يتطشر من حلجهم و أهمه يسولفون و الحين عيالنا مرتزين بالقهاوي كل واحد عمره ١٠ و ١٢ سنه و ماسك له هوز شيشة
قبل ننطر يوم الخميس و اليمعه يحطون لنا فلم هندي إنتيمع جدامه و كل واحد ماسك بايده العدة "بطاط و دقوس بوديج " و الحين عيالنا كل يومين رايحين السينما و بيدهم ناتشوز و بوب كورن الله يرحم أيامنا جدر فيه زيت و ذرة يابسة و ناكل نفيش محروق شحلاته
الله يرحم ذيج الأيام