:111:انا محتارة كثير ولا اعرف وشلون اتصرف وربي تعبت انا قريب اتزوجت مالي 5 شهور وربي يعلم مالجئت لكم الا لاني تعبت وحاولت بكل الطرق ادري عيب :26-7:الي اقوله بس والله غصبا علي وماعدت اعرف وش اسوي زوجي ماينام معي بنفس الغرفة ينام لوحده هي ليلتين بس الي جلس فيها جنبي اول يوم زواجنا في الفندق واول يوم وصلنا فيه بيتنا ولانام بس انا سويت نفسي نايمه ولما حس اني نمت قام وحسيت فيه انا اشوف في عيونه الحب والشوق وعلاقتنا حلوة من ناحية الجنس والحمدلله مرتاحين على الرغم من اني اسمع ان الزواج في بداية يكون الجماع بكثرة لكن انا احس انه غييرر ويكتفي بمرة وحده بس ف اليوم عادي مااشوف فيها شئ وربي يعلم اني البس واتزين لدرجة انه هو يقولي ماشفت احد مثلك ابد لا من نظافة ولا اهتمام ولا كلام حلو والله اني اقابله بابتسامة واوصله لما الباب واستودعه الله وهو خارج ومايشوف مني الا كل خير حتى لما يزعلني وهذا كلامه هو ومهما تزاعلنا كل شئ اسويه له من طبخ واهتمام فيه هو شخصيا وفي البيت وفي نفسي مايدخل البيت الا وهو يشم ريحة العود من اول العمارة ويجي يلاقيني بااحسن لبس وعطر ومكياج وكل شئ تتوقعونه واجهز له القهوة والحلا حتى لو متضاربين واحاول اتكلم معه عادي وبهدوء لما احس انه راق وابدا افهمه الي ابيه ومع كذا مايسمعني وهو دايم يحسسني ان انا الي لازم اصالح واسمع الكلام ولا ابدي راي ابد حتى ف خرجتنا يعلم الله اني من تزوجت مااتمشيت ولا خرجت ولامطعم الا مره وحده ثاني يوم زواجي بس تعشيت برا ومن بعدها ماخرجت من البيت وكل مره اقوله طفشت طلعني ابتمشى يقولي تعبان بكرا واقدر وضعه ولا اكدر خاطره واستنى بكرا يقولي بعدهلما اتأقلمت بس حازه بخاطري ماينام معي بنفس الغرفة ياخذ الي يبي ويروح مباشرة وكأنه مايعرفني والحين طالع لي بموال يبي يسافر لدوله عربية ومن بعدها على الجنوب بيتمشى والطامة الكبرى مع اصحابه ولاني عارفة وش السوات هو دايم يقولي انا عارف انك صابره علي والله انا مابي بس كلام ومابي اسوي معه مشاكل ولا ابدأ حياتي بمشاكل ماااااابيه يسافر ولا ابي يروح الا وانا معه وهو رافض الفكره نهائي يقولي انتي حرمه صعب تسافرين قلت له طيب هالمره تروح والمره الجاية اروح معك يرفض ويقولي لاتفكرين فيها ابد انا مقهورة حيييييييييييييييل ابيه ينام جنبي والا ع الاقل بنفس الغرفة حاولت معه كثير اخذت فراشي ورحت لزقت فيه صحى من النوم يقولي حرام عليك نغصتي علي نومتي انا تعبان اقرب منه يبعد بكيت رميت نفسي بحضنه اقوله انا خايفه يقولي وش منه تخافين وانا معك بنفس البيت ويبعد عني كل شئ جربته معه يقولي لاتحاولين تبين راحتي قومي نامي بغرفتك اقوله فيني شئ يضايقك اي شئ قولي يقولي والله ماشفت منك الا كل خير بس قومي تعوذي من الشيطان ونامي انا تعبت ولاادري وش الحل انا واثقة فيه ولا هو راعي خرابيط بس ماادري ليش كذا
اوقات اقول ليتني ماتزوجت ولا اعيش هالوضع انا مااقارن بس انا مو متعوده على كذا عند اهلي الي ابيه يجيني وتنازلت عن اشياء كثيييييير بس عشانه انا تعبت الي اعرفه الزواج امان استقرار عاطفة ومحبة تصدقوني لو اقولكم اني ماشفت منه هالشئ واحيان والله العظيم يصحى من النوم وعلى دورة المياة اعزكم الله ويرجع للمجلس واحيان يطلع من البيت ويرجع ولاحتى يفكر يطل علي يشوفني تعبانه حيه ميته محتاجه شئ ابد ويجلس فيها لما انا اصحى وانا اروح له انا تعبت ولااقدر اتحمل هالوضع اكثر والي يقهر انه صغير بالعمر 29 يعني مو شايب عشان اقول ممكن تفكيره تبع زمان عنده الحرمه للطبخ والتنظيف والجماع والحمل ولاستقبال الضيوف واكرامهم بس رغم اني والله ماامدح نفسي الكل يقوله عندك جوهره حافظ عليها وهو يقولي اهله واصحابه يقولون كذا بس مااشوف منه هالشئ يحسسني انا متزوجين لنا 10 سنوات مع ان تونا وحتى شهر العسل قضيناه كله زيارات لاهله ومعارفه واحرجني كثير وقهرني واتكلمت معه يقولي اطعنا الله واوصلنا الرحم
شوروا علي معليش طولت عليكم بس قدروا وضعي ابي شوركم كلكم يمكن تفيدوني من حريم ومن رجال واميرة الاحلام يعجبني كلامك الراكز العاقل ساعديني