لسلام عليكم ورحمة الله وبركاتة
والحمد الله رب العالمين على كل حال
ابدأ بمعلومات عني انا شاب عمري 25 سنه اعمل معلم والحمد الله ... تزوجت اول ماتعينت بإنسانه متخرجه من الجامعة ولم اكن اعرف عتها شي سوا ان امي رئتها في احد المناسبات اعجبت في شكلها !! ووصفتها ورسمتها بعيني فائقة الجمال كنت متحمس ابي اكون حياتي توظفت الحمد الله وما باقي الا اكمل ديني ... قالت بخطبها لك قلت توكلي ع الله ... المهم وافقوا ..وقالوا البنت متطلقه ملكه وذكروا سبب غير مقنع ...قلت يمكن تكوم حست بالمسؤلية وعرفت معنى الطلاق واكيد بتهتم وووو اقنعت نفس .. وكذا جاء وقت النظره الشرعية شفتها وملكت ويوم الملكه طلعت اكبر مني بسنتين.. قلت ماتفرق الرسول صل الله عليه وسلم تزوج وحده اكبر منه وفيه كثير وماشيه حياتهم .. فترة الملكه لم اشعر باي اهتمام منها وبعد اطلاعي ع المنتديات وكذا ... اقنعت نفسي انه بسبب الخجل وبكره ببتعدل !! مشت الايام وتزوجتها
تفاجائت بانسانة جامدة بكل ماتعنيه الكلمه ماخذه الحياه بشكل جدي لا تعرف معنى الضحك وسعة الصدر الا ماندر ..اتفه الاسباب تزعلها ونجلس باليوم يومين زعلامه قلت مشي بسبب انها بعدت عن امها وكذا .....المهم استمريت ع الحال سنه .. ويشهد الله اني كنت احاول ارضيها بكل السبل وادلعها واتغزل فيها وامدح كل شي تسويه مع انها كانت حب التمدد ماتحب تسوي شي بالبيت كسلانه طفشانه تعبانه 3 مصطلحات توصف حالها الا اذا جينا نروح للسوق انواع الكلام الطيب حسيتها انسانه مادية لم تشبع اي شي فيني لم احسها انثى مختصر الكلام شخصية لم اعاشر مثلها منذ نعومة اظافري .... طلقتها والحمد الله ع كل حال والله يرزقها بالي احسن مني ويرزقني بالي احسن منها ويرزق الجميع يارب من يسعدهم
جوهر الموضوع
انا اللحين بملك وخائف تنعاد نفس التجربة بس المره ذي انا اخترت بنفسي من ناس بيئتهم طيبه ... الموضوع الاساسي اخاف اكون قاسي وجاف مع الانسانه الي رضت فيني وانا مطلق وللعلم عمرها 18 يعني بعد بنوته ....ولو عاملتها مثل ذيك اطير فيها وكذا هل بنصدم ...ا ويشهد ربي ما اعرف اكون قاسي واذا قسيت ضميري يأنبني .... زبدة الكلام وش تنصحوني ...والاولى مازلت افكر فيها بعض الاحيان لاكن اذكر مواقفها اقول الحمد الله ان مابينا عيال مع انها كانت تسعى بكل الطرق بس ربي ماكتب والحمد الله
كيف اعامل زوجتي الجديدة وانسى القديمة [/center]