السلام عليكم ورحمة الله وبركاته ..
كيفكم ياجماعة؟؟
ندخل بالموضوع انا متزوجة الان لي تقريباً 7 شهور وحامل ..
وكتشفت شغلات كتيرة عن زوجي في هدا الاسبوع
الاولى لقيت حبوب كبتاجون واكتشفت انه يتعطا وانا بصراحة من يوم تزوجت وانا اتفرج فيه يجي نهاية الاسبوع بيقعد سهران الخميس والجمعة والسبت بالليل ينام ..
سهرو مو طبيعي وانا كنت اشك من زماان بس مالقيت شي يثبت لكن يوم لقيت الحبوب اخذت وحدة واعطيتها اخوي ..
وفي نفس اليوم سمعت برنامج داود الشريان تكلم عن هدا الموضوع وعرفت ايش اضرار هدي الحبوب و ايش تسوي ..
وبصراحة نفسيتي مررة سيئة من هدا الشي وخصوصاً اني مخبية الموضوع من الجميع وقاعدة افكر فيه
وتكلم اخوي مع شيخ وقال له شوف هدا شي ما بينسكت عنه لانو لازم يتعلاج ولا ممكن تاثر مستقبلاً باضرار اكتر ..
وفوق هدا الموضوع اهو اصلاً ما بيصلي ابداً ولا يعرف المسجد وانا احاول معه عشان الصلاة يقعد ينافخ فيني مو شغلك انا بتحاسب لوحدي مو معاكي مالك صلاح
ويهزائني كاني سويت غلط معه ..
واخر مشكلة هي اني انا اكتشفت او بديت اشك انه لوطي لاني لقيت رساله منه لصديق له يقول تعال والله تعبان محتاجك
ويومتها كنت انا ببيت اهلي يوم ما ازورهم طبعاً انا يوم ما شفت الرساله مني مصدقة بس ابغا اتاكد
وكتيرين قالو لي انو من تصرفاته وكلامه ..
فعندي سوال وهو : الان اذا كان الزوج يطلب من زوجته انو ياتيها في دبرها يعني هوا بالفعل شاذ ؟؟ وهلا كلامو الكتير انو يقول مثلاً شوفي هدا كيف يبغالي اجامعه وبيصير يمشي مزبوط ؟؟
وبصراحة انا فكرت اني اتطلق ..
واخوي قال الموضوع بيدك اذا ما تبغيه نطلقك ونروح كلام الهيئة بالمووضوع التعطي لانو الحق معاكي وكل شي ضده .. او الشي الثاني تبغي تصبري عليه وتحثيه انو يتعالج من الادمان حيكون شي كويس لكن انتي كيفك
فكري بالموضوع لانو هدي حياتك و هدا اختيارك ...
انا قعدت افكر في الموضوع كتير وصرت بس ابكي لاني والله احبه من كل قلبي وهوا طيب معايا لكن بعض الاحيان يقلب عليا مية وثمانين درجة غير عن الانسان اللي كنت معاه قبل دقايق ..
وصرت في حيره من هذا الامر لكن الان انا قررت انو موضوع الشذوذ هدا لو طلع صحيح اني خلاص اطلب الطلاق وانهي اللي بيننا ..
والبيبي صرت افكر فيه كتير انا ما ابغا اظلم نفسي فيه عشان طفل واحد وبعده ما انولد غير لو انو كان عندي ظفلين او طفل بيدي ..
بالله دعواتكم لي انو ربي ييسر امري ويرزقني اللي به الخير .. خلوني اسمع شوركم بالله عليكم الله يجزيكم الخير ..