السلام عليكم ورحمة الله وبركاته
كيفكم غوالي
ماراح اطول عليكم
بدخل بالموضوع على طول
عندي ولدين
واحد عمره ست سنين بيسجل اولى ابتدائي مع بداية الدراسة
والثاني سبع سنين طالع لثاني ابتدائي
لو تشوفونهم نتف صغيرة لابسين اثواب
المشكلة هي
ان ابوهم يبيهم يروحوا التحفيظ عشان يخفظوا قران كريم
اوكي ماعندي مشاكل
راحو ولله الحمد حافظين جزء تبارك
المسجد اللي يدرسهم قدام باب بيتنا
بابنا مقابل بابهم
بس هذا الشارع يكفي سيارة وحدة
وطرف للشارع العام
ولسبب غير معروف
التفحيط في هذا الشارع ما ييوقف
قلبي اللي بيوقف وعيالي براا البيت
ولا تقولوا ابالغ
ابني الصغير ضربته سيارة عند باب بيتنا اول ماطلع يبي يروح المسجد
قبل شهرين
وابوه معاند ان عياله لازم يكملوا يروحوا
تخيلوا بعد الحادث ثاني يوم خلاه يروح يدرس
والحين انتقلوا على حلقة الكبار لانهم حافظين جزء كبير
صاروا يطلعون صلاة العصر
ويرجعون تسع بالليل
بالله يرضي مين هذا الكلام
عيالي بهذا العمر يغيبوا عن البيت كل الفترة هذي
بيكرههم بالقران
ماعندهم وقت يلعبوا زي باقي الاطفال
ولا يقدروا يخرجوا بالاجازة مربوطين بالتحفيظ حتى بالاجازة
انا حطيت مشكلتي بين ايديكم
يمكن الاقي منكم شور ينفعني
تكفون لا تبخلوا علي
تعبت نفسيا من كثر القلق والخوف على عيالي
انا مالي غيرهم بالدنيا