ازيكم يا قمرات ؟ يا رب يكون الكل بخير اية رأيك نعمل قاعدة شاى و ننم شوية النهاردة شوفوا اللى حصل فى قعادة الستات دى ههههههههههه فعلا دا كلام ستات و بس.......................
الست نجية و الست فتحية و الست هنية و الست سمية و الست تقية قعدوا سوا و عملوا خمس كوبايات شاى و حصل اية ؟؟؟؟؟؟؟؟؟؟؟؟؟؟؟؟؟؟؟؟؟
بدأت الست نجية تعيط و مقعدة بنتها جنبها و تقول لهم قولولها توافق على العريس اللى متقدم لها يا بنتى ضل راجل و لا ضل حيطة راحت الست فتحية قالتلها يا شيخة طب عمرك شفتى حيطة بتصرخ و تزعق لما تيجى من الشغل تلاقى الاكل متاخر و يا لهوى بقة لو الملح كان زيادة شويتين ردت الست هنية بعصبية و سابت كوباية الشاى و شرقت و قالت طب عمرك شفتى حيطة بتشخر طول الليل و قالقة منامك و تخرجى من الاوضة للاوضة التانية و برضة السيمفونية عزف منفرد وصلالك . قامت الست سمية قالتلها لا كلة كوم و يوم القبض كوم تانى عمرك شفتى حيطة ببوز شبر و عنيها بتطق شرار و تقولك هو انتى و ولادك مبتشبعوش فلوس اجيبلكم منين يعنى راحت الست تقية قالتلهم صحيح يا ختى بلا خيبة هو فعلا حيطة مفيش مشاعر مفيش حب و لا حنية و لا كلمة حلوة كدة و لا دلع راحت البنوتة الصغنونة قالتلهم يبقى فعلا الرجالة ذى الحيطة بس المهم ميكونش حيطة مايلة يا رب يرزقنى بعريس حيطة كويسة مش مايلة ها انتوا بقة بتعانوا من انهى حيطة فى دول و لا فى حيطان تانية نسيناها