ما هي افضل الطرق لإقناع زوجتي الأولى برغبتي الجامحة بالزواج من ثانية ؟؟؟
اشعر بعجز كامل تجاه اي اجراء في هذا الإتجاه باستثناء الدعاء والطلب من الله العون والتيسير والتسهيل!!:angry8:
والله يا أخوي مافيه طريقه معينه تقدر تقنع فيها زوجتك الا بالصراحه ... وهذي أفضل طريقه ,,,
صحيح انها صعبه ومؤلمه بالنسبه لها لكنها تبقى أهون مليون مره من انها تكتشفها بالصدفه أو عن طريق احد أو بعدما انك تكون انهيت كل شيء ..
يعني تصارحها بالموضوع وبهدوء وبحزم وبدون تجريح أو تدخل من أي طرف آخر بينكم ..
وانت اعرف الناس بزوجتك وبالطريقة اللي تصلح معاها ,,,, وكمان أعرف بنقاط الضعف اللي عندها ..
وانا بأقولها لك وبكل صراحه.. مهما اعطيناك من حلول فممكن ماتكون
مجديه لان انت الاعرف بطبيعة زوجتك وبكيفية التعامل معها
والطريقة اللي ممكن تقنعها فيها ....
ومادام انك تبغى تتزوج بأخرى فلابد من انك تكون صريح وحازم وجازم من أولها عشان تقدر تتخذ القرار الصحيح وتوفق بي الحياتين ...
هلا بك أخوي الغالي السلام عليكم
حبيبي والله نصيحة أخ لأخ إذا كانت زوجتك الأولى لم تقصر معك في شيء ولا يعيبها أي نقص فلا تتزوج عليها ثانياً هل أنت مستطيع مادياً هل وفرت لزوجتك الأولى وأولادك منزل ملك وليس أجار هل عليك ديون أسأله لاحصر لها واللي أبي أوصل له أنك ماتقدم على الزواج بسبب هوا في نفسك أو يكون الدافع للزواج هو الجنس فقط أرجوك راجع نفسك وستخر الله في ذلك... نصيحة أرجوا أن تكون من القلب إلى القلب
تقبل تحياتي
والله يا أخي بتجيب لنفسك الهم والنكد والشقاء وبدل مسؤولية بيت انت محاسب عليه عند الله يسير بيتين
من غير انك بتجلس طول عمرك تداري هذي وهذي عشان ماتصير مشاكل واذا ما داريت بتصير لك مشاكل ما الله به عليم ليش تفتح على نفسك باب ما تقدر تسكره الا بالطلاق خلك على بيتك ومو معقول تضحي براحتك النفسية عشان التغيير
والرجال اللي يدعون انهم مبسوطين ولا فيه مشاكل أتحدى والله ان حريمهم مبسوطين
الدنيا تغيرت والعدل صعب
والمعدد بيتعب اما في الدنيا أو في الاخرة