بسم الله الرحمن الرحيم
السلام عليكم ورحمة الله وبركاته
طرحت مشكلتي من قبل .. الي هي ع هالرابط ..
http://0o1o0.com/vb/showthread.php?t=55256&highlight=%CE%C7%ED%DD %E5
و حاولت احل المشكله بكل الي اقدر عليه و الي ما اقدر عليه ..
زوجي يا ناس كتله من الثلج .. مشااعره باااااااارده اتجاهي .. :crying: .. ابي احس بقربه و بحنانه .. ابي احس اني غاليه عنده .. مليت من عصبيته .. والله يجيني احساس انه متندم انه تزوجني ..
ما اشوف ناقصني شي او مقصره بشي .. علشان استاهل هالمعامله !! :crying:
اهو ف منطقه ثانيه غير منطقتي و بعيده شوي .. اذا جى بيت اهلي عندي .. اكشخ له و اتزين و ابخر البيت و المجلس بعود .. و من يجي ابتسم له و اضحك له و ادلع له ..
اطبخله الاكل الي يحبه .. صح يستانس و يفرح .. بس يظل جاااف و عصبي :crying: ..
اذا صارحته و قلتله انا زوجتك ابيك تدلعني و ابيك تصير سلس معاي و تخف عصبيتك و لا تهاوشني ع كل شي ما يسوى
يقولي هذا طبعي و انا ما شاعر عشان اصفلج كلمات الغزل و الحب .. انتي تعرفيني احبج مو لازم هالكلام ..
كل البنات يقولون ايام الملكه هي احلى ايام العمر ..
انا ما احس بهالاحساس .. اي غلطه مني يكبرها و يهاوش و يعصب ..
انا عمري 19 .. ما اقول اني صغيره .. لكني ما كبيره علشان اتحمل انسان مثل هذا ؟؟
قلت لاختي الكبيره اني اريد اطلق .. قالتلي لا و كيف تطلقين و انتو ملكتو على بعض و شو الناس رح تقول عنا ..
عرسي شهر 1 .. ما قادره اتصور اني اعيش ف بيت واحد معاه ..
انا اكتب الموضوع و انا ابكي لاني ما عارفه شو اقول و لا اكتب لكم .. و لا اتصرف ..
كل شي سويتله و عاملته بكل الطرق .. بس اسلوبه ما تغير .. اذا هو من الحين كذا .. اجل كيف بعد 10 سنين زواج ؟؟؟
شو رايكم ؟ اطلق منه ولا ؟ :crying: